Праваабарончы цэнтр «ВЯСНА»

Навіны за 11 студзеня 2012

11.01.2012 Сяргей Каваленка галадае ў карцэры СІЗА

Як стала вядома маці зняволенага віцебскага актывіста, Сяргея Каваленку, які 24-я суткі трымае галадоўку пратэсту, тыдзень таму змясцілі ў карцэр. Прадстаўнік адміністрацыі следчага ізалятара адмовіўся патлумачыць Лідзіі Каваленка, на якой падставе чына "ізалявалі".

11.01.2012 Пасля апошняга арышту Уладзімера Яроменку адлічылі з універсітэту

Маладафорнтавец даведаўся пра гэта, калі адбыў 15 сутак за акцыю салідарнасці, якая прайшла 19 снежня каля Чырвонага касцёла. Хлопцу патэлефанавалі з ВНУ і сказалі, што ён можа забраць дакументы.

11.01.2012 Каб атрымаць вынікі абследавання, спатрэбілася паўтары гады, тры суды і зварот пракуратуру

Жыхарка горада Бярозы Святлана Шымчук пасля перанесенага мікраінсульта была накіравана на тамаграфію мозга ў цэнтральную гарадскую бальніцу Брэста. Пасля абследавання ёй сказалі заплаціць за працэдуру каля 70 тысяч, інакш вынікаў абследавання яна не атрымае.

11.01.2012 Зварот прадстаўнікоў грамадзянскай супольнасці з нагоды пачатку збору сродкаў для праваабаронцы Алеся Бяляцкага

Грошы ў любым памеры могуць быць пералічаныя на рахунак, адкрыты на імя жонкі Алеся Бяляцкага: Філіял №529 “Белсвязь” ААТ “АСБ Беларусбанк”, код банка 720, аддзяленне 112. № банкаўскага ўкладу: 01053568 (да запатрабавання) від плацяжа: ахвяраванне (альбо дабраахвотны плацеж) Атрымальнік плацяжа: Пінчук Наталля Сяргееўна.

11.01.2012 Конкурс на ўдзел у дыстанцыйным навучанні адвакатаў/юрыстаў

Абвяшчаецца набор для ўдзелу ў праграме дыстанцыйнага навучання адвакатаў і юрыстаў. Праграма, якая ажыццяўляецца адначасова для Азербайджана, Беларусі, Малдовы, Расіі і Украіны, накіравана на навучанне адвакатаў і юрыстаў прафесійнаму выкарыстанню ў судовай практыцы нормаў міжнароднага і канстытуцыйнага права.

11.01.2012 Бабруйск: Анатоль Санаценка напісаў скаргу на дзеянні міліцыянтаў

Галоўны рэдактар газеты “Бабруйскі кур’ер” Анатоль Санаценка напісаў скаргу ў пракуратуру з просьбай патлумачыць яму, з якой мэтай супрацоўнікі міліцыі наведваюць яго і іншых мясцовых журналістаў і грамадскіх актывістаў дома.

11.01.2012 “Вясна” патрабуе неадкладнага вызвалення Сяргея Каваленкі

Праваабарончы цэнтр “Вясна” заклікае беларускія ўлады неадкладна вызваліць Сяргея Каваленку, спыніць крымінальную справу і забяспечыць яму належную і неадкладную медыцынскую дапамогу, а таксама нагадвае прадстаўнікам адміністрацыі СІЗА, кіраўніцтву МУС Беларусі, што адказнасць за жыццё і здароўе Сяргея Каваленкі цалкам кладзецца на іх.

11.01.2012 Дацкі Міністр па Eўрапейскіх Справах падтрымаў беларускі пікет

10 студзеня актывісты "Звязу на карысць дэмакратыі ў Беларусі" правялі інфармацыйны пікет каля прэс-цэнтра Фоксал, дзе ў той час адбывалася сустрэча з Дацкім Міністрам па Еўрапейскіх Справах Нікаласам Вамменам.

11.01.2012 Любоў Кавалёва зьвернецца ў Вярхоўны суд, каб спаткацца з сынам

Маці прыгаворанага да сьмяротнага пакараньня за саўдзел у тэрарызьме Ўладзіслава Кавалёва перадасьць у Вярхоўны суд Беларусі чарговую заяву на спатканьне з сынам.

11.01.2012 Вярхоўны суд прыступіў да разгляду скаргаў анархістаў

Вярхоўны суд прыступіў да разгляду скаргаў палітвязняў-анархістаў Мікалая Дзядка, Ігара Аліневіча і Аляксандра Францкевіча.

11.01.2012 Тэкст прысуду Дзмітрыю Канавалаву і Уладзіславу Кавалёву, якіх чакае вышэйшая мера пакараньня

Дзмітрый Канавалаў і Уладзіслаў Кавалёў, якіх 30 лістапада 2011 года Вярхоўны суд Беларусі асудзіў да сьмяротнага пакараньня за выбухі на станцыі метро «Кастрычніцкая» ў красавіку 2011 году і ў ліпені 2008 году ў Менску на Дзень Рэспублікі, а таксама за шэраг больш дробных выбухаў, чакаюць вырашэньня свайго лёсу ў камеры сьмяротнікаў.

11.01.2012 Меркаванне людзей улады не цікавіць?

Напярэдадні новага года ў Шклоўскім і Бялыніцкім раёнах Магілёўскай вобласці адбыліся сесіі раённых Саветаў дэпутатаў. У шэрагу іншых пытанняў на сесіях былі прыняты рашэнні аб ліквідацыі некаторых сельскіх Саветаў у гэтых раёнах. Між тым абсалютная большасць жыхароў гэтых сельсаветаў ставяцца да іх ліквідацыі вельмі адмоўна.

11.01.2012 Суд не задаволіў пазоў Святланы Рудкоўскай

Ленінскі раённы суд Гродна не задаволіў пазоў Святланы Рудкоўскай, сябры Беларускага Хельсінскага Камітэта на выкананне працоўнага заканадаўства ўстановай, якая яе зволіла з працы.

11.01.2012 Суд спыніў адміністрацыйную справу ў дачыненні Уладзіміра Няпомняшчых

Суддзя Цэнральнага раёна Гомеля Алена Цалкова 11 студзеня прыняла пастанову: спыніць адміністрацыйную справу ў дачыненні Уладзіміра Няпомняшчых за «брудную лаянку» (арт. 17.1 КаАП) у сувязі з недаказанасцю яго віны. Імаверна, гэта першы «палітычны» працэс у Гомелі, калі не «даказалі» у судзе факт бруднай лаянкі з боку апазіцыянера.

11.01.2012 У Магілёве брыгада муляроў праявіла працоўную салідарнасць

Пасля таго, як стала вядома, што кіраўніцтва будаўнічай арганізацыі “Прамжылбуд” не працягвае працоўны кантракт з муляром Аляксеем Паўлоўскім, уся брыгада ў колькасці 15 чалавек, дзе працаваў Аляксей, падала заявы на скасаванне кантрактаў. Акрамя гэта, брыгада Спірыдонава ў поўным складзе напісала заявы аб выхадзе з прадзяржаўнага прафсаюза.