Праваабарончы цэнтр «ВЯСНА»

Навіны за 19 студзеня 2012

19.01.2012 У Полацку збіраюць сродкі для сям'і Сяргея Каваленкі

Сям'я Сяргея Каваленкі апынулася ў складаным матэрыяльным становішчы пасля яго арышту. Жонка актывіста цяпер у адпачынку па доглядзе за малодшай дачкой, якой толькі паўгода. Старэйшы сын – першакласнік. Маці Сяргея – пенсіянерка.

19.01.2012 Дэпутат падтрымаў украінскую дыяспару ў Баранавічах

Дэпутат Валынскай абласной рады Ігар Гузь падтрымаў украінскую дыяспару ў Баранавічах і яе кіраўніка Міколу Чарнавуса. Ён накіраваў дэпутацкі запыт ў Міністэрства замежных спраў Украіны, амбасадару Украіны ў Рэспубліцы Беларусь і Генеральнаму консулу Украіны ў Брэсце.

19.01.2012 Брэсцкія студэнты патрабуюць кампенсацыю за жыллё

Прыблізна адна тысяча подпісаў сабраная пад зваротам брэсцкіх студэнтаў да мясцовых уладаў, у якім гучыць патрабаванне вырашыць пытанне з кампенсацыяй за жыллё тым, каму не хапіла месца ў інтэрнатах.

19.01.2012 Іван Шэга: “Сёння суд у вертыкальшчыкаў выйграць немагчыма”

Сёння, 19 студзеня, у памяшканні суда Слонімскага раёна адбылося судовае паседжанне па скарзе лідэра мясцовай суполкі Партыі БНФ Івана Шэгі на дзеянні Слонімскага райвыканкаму, які паслядоўна забараніў усе заяўленыя акцыі салідарнасці з праваабаронцам Алесем Бяляцкім.

19.01.2012 Журналістам далі сустрэцца толькі з кіраўніцтвам “Граніта”, а не з актывістамі незалежнага прафсаюза

Паводле ініцыятывы Брэсцкага аблвыканкама была арганізавана паездка журналістаў рэгіянальных і абласных газет на прадпрыемства “Граніт” у Мікашэвічах, дзе напрыканцы мінулага года больш за две сотні працоўных вырашылі пакінуць афіцыйны прафсаюз і стварыць незалежную суполку.

19.01.2012 Бабруйск: На Алену Тоўсцік ціснуць з аддзела адукацыі і пазбаўляюць жылля

Алена Тоўсцік, асуджаная за запаленыя свечкі на Дзяды, распавяла бабруйскім праваабаронцам пра псіхалагічны ціск, які аказвае на яе мясцовы аддзел адукацыі. Праблемы з інтэрнатам пачаліся ў сям’і Тоўсцікаў пасля арышту: першае судовае паседжанне па высяленні адбылося 15 снежня мінулага года, другое – 9 студзеня бягучага.

19.01.2012 У Магілёве са старшынёй стачкама домабудаўнічага камбіната не працягваюць кантракт

Нягледзячы на тое, што дырэкцыя прадпрыемства абяцала не пераследаваць сябраў незалежнага прафасюза, кантракт з Алегам Аксёнавым ад 17 лютага працягнуты не будзе. Пра гэта паведаміла каардынатарка Свабоднага прафсаюза металістаў па Магілёўскай вобласці Галіна Лісіцына.

19.01.2012 Андрэй Юраў: “не магу сказаць, што мы дамагліся бліскучых посьпехаў у Беларусі”

Вядомы расейскі праваабаронца Андрэй Юраў, кіраўнік Міжнароднай назіральнай місіі Камітэту міжнароднага кантролю за сітуацыяй з правамі чалавека ў Беларусі напісаў кароткі артыкул, у якім падвёў асноўныя вынікі 2011 года і адзначыў важныя тэндэнцыі на будучыню праваабарончага руху на постсавецкай прасторы.

19.01.2012 Першае ў 2012 годзе пісьмовае папярэджанне СМІ «дасталася» часопісу «Arche»

Рэдакцыю “Arche. Пачатак” вінавацяць у парушэнні арт. 22 закона “Аб СМІ”.

19.01.2012 Міліцыя: Выкрадання Femen не было

Ельскі РАУС адмовіў у распачынанні крымінальнай справы па факце інцыдэнту з актывісткамі ўкраінскага руху Femen.

19.01.2012 Незалежныя прафсаюзы бароняць свае суполкі ў рэгіёнах

Беларускі кангрэс дэмакратычных прафсаюзаў не выключае байкоту беларускіх тавараў у Еўропе. Пра гэта ў часе сустрэчы з актывістамі створанай суполкі незалежнага прафсаюза на прадпрыемстве “Граніт” заявіў старшыня кангрэса Аляксандр Ярашук.

19.01.2012 Мікалай Аўтуховіч: «Хутка надыдуць перамены да лепшага!”

Ад зняволенага Мікалая Аўтуховіча прыйшоў ліст да яго аднадумца з Ваўкавыску Аляксандра Сезеня. У ім Аўтуховіч піша, што найбольш яго прыгнятае абыякавасць бальшыні суайчыннікаў, якія лічаць за лепшае не высоўвацца і моўчкі цярпець ганебны стан рэчаў, прыстасоўваючыся пад несправядлівую сістэму.

19.01.2012 У Салігорску патрабуюць грамадскага кантролю за “добраахвотна-прымусовымі” ахвяраваннямі

Нагадаем, што ўжо некалькі год салігорскія ўлады абавязваюць жыхароў гораду ўдзельнічаць у фінансаванні будаўніцтва Хрыстараждественскага сабору. Сітуацыя асабліва абвастрылася пасля з’яўлення інфармацыі аб нямэтавым выкарыстанні ды раскраданні гэтых сродкаў.

19.01.2012 БХД адмовілі ў рэгістрацыі ў чацверты раз

Міністр юстыцыі Беларусі Алег Сліжэўскі на выніковай калегіі Міністэрства 19 студзеня паведаміў журналістам аб тым, што партыі “Беларуская храсціянская дэмакратыя” адмоўлена ў рэгістрацыі. Такім чынам, і чацвертая спроба аргкамітэту атрымаць легальны статус завяршылася безпаспяхова.

19.01.2012 Ідэалагічная апрацоўка -- у працоўны час

Ад працы на прадпрыемствах у гэты крызісны для краіны час адрываюцца тысячы людзей, які павінны слухаць чыноўнікаў ад ідэалогіі і ствараць малюнак “адзінства партыі і народа”. У прыватнасці, як паведамляе шклоўская раённая газета “Ударны фронт”, інфармацыйна-прапагандысцкія групы ў асноўным будуць наведваць прадпрыемствы ў працоўны час.