Праваабарончы цэнтр «ВЯСНА»

Навіны за Чэрвень 2011

21.06.2011 Прызначана дата разгляду касацыйных скаргаў “бабруйскіх анархістаў”

Касацыйныя скаргі на прысуды па справе падпалу бабруйскага КДБ будуць разглядацца ў Магілёўскім абласным судзе 14 ліпеня. Судовае паседжанне распачнецца а 10-ай гадзіне.

21.06.2011 У Ваўкавыску ўдзельнікаў акцыі маўклівага пратэсту выклікаюць у КДБ

Супрацоўнікі КДБ выклікаюць дзевяць навучэнцаў Ваўкавыскага педагагічнага каледжу, якія былі затрыманыя 15 чэрвеня сярод 13-ці ўдзельнікаў акцыі маўклівага пратэсту “Рэвалюцыя праз сацыяльныя сеткі”. Вусныя “запрашэнні” камітэтчыкі перадалі праз адміністрацыю навучальнай установы.

21.06.2011 У кватэру Пачобутаў прыходзілі судовыя выканаўцы

Судовыя выканаўцы наведалі кватэру сямі’і журналіста “Газэты выборчэй” Андрэя Пачобута. Яны цікавіліся, ці жонка Андрэя Аксана будзе плаціць ўсе кары, наложаныя на Андрэя цягам апошніх месяцаў. Агулам назвалі суму каля 7 мільёнаў беларускіх рублёў.

21.06.2011 Суд над Канстанцінавым не адбыўся: сведка быў «пад мухай»

Суд над затрыманым 17 чэрвеня наваполацкім актывістам Яўгенам Канстанцінавым так і не адбыўся. 20 чэрвеня суддзя не змагла дапытаць сведку з боку абвінавачвання, якога нібыта аблаяў актывіст, паколькі той не змог адэкватна рэагаваць на пытаньні. Проста з судовай залы Канстанцінава адпусцілі дадому.

21.06.2011 Актывістку "Еўрапейскай Беларусі" адлічылі з універсітэта

Актывістку грамадзянскай кампаніі "Еўрапейская Беларусь" Ірыну Пятрову адлічылі з трэцяга курса Педуніверсітэта. Па словах дзяўчыны, ў час здачы заліку з камісіяй яе завальвалі вельмі складанымі пытаннямі.

21.06.2011 Разгляд касацыйных скаргаў Севярынца, Халіп і Марцалева перанесены на месяц

Разгляд касацыйных скаргаў кіраўніка выбарчага штаба экс-кандыдата на пасаду прэзідэнта Віталя Рымашэўскага Паўла Севярынца, кіраўніка штаба Мікалая Статкевіча Сяргея Марцалева і журналісткі Ірыны Халіп перанесены на 19 ліпеня.

21.06.2011 Новая ахвяра ў справе Плошчы-2010?

21 чэрвеня можа быць прад’яўленае яшчэ адно абвінавачваньне па справе аб масавых беспарадках, якія на думку правасуддзя мелі месца 19 сьнежня мінулага года на плошчы Незалежнасці ў Менску. Чарговы падазраваны па крымінальнай справе Святаслаў Барановіч быў затрыманы яшчэ 15 чэрвеня і змешчаны на Акрэсціна.

20.06.2011 Савет ААН па правах чалавека вызначыў механізмы маніторынгу і кантролю за сітуацыяй у Беларусі

17 чэрвеня на 17-й сесіі Савета ААН па правах чалавека большасцю галасоў (21 “за” пры 5 “супраць” і 19 “ўстрымаліся”) была прынятая рэзалюцыя аб сітуацыі з правамі чалавека ў Беларусі.

20.06.2011 Салігорская міліцыя папярэджвае

Жыхар Салігорска Міхаіл Салдаценкаў на сваёй старонцы "ВКонтакте" напісаў “Доллар, бензин, революция”. Праз некалькі дзён маладога чалавека ўжо шукала міліцыя для дачы тлумачэньняў.

20.06.2011 У Наваполацку – суд над Канстанцінавым

Затрыманага 17 чэрвеня наваполацкага актывіста Яўгена Канстанцінава сёньня чакае суд. Яго вінавацяць ў дробным хуліганстве (арт. 17.1 КаАП РБ).

20.06.2011 Брэсцкімі ўдзельнікамі "маўклівай акцыі" зацікавілася КДБ

Юры Боўбель па тэлефоне атрымаў запрашэнне "пагутарыць наконт некаторых пытанняў"

20.06.2011 Пракуратура падала ў суд на 36 удзельнікаў пікету ў «Брузгах»

Пракуратура Гарадзенскай вобласьці падала ў суд пазоў да 36 актыўных удзельнікаў несанкцыянаванага пікету на памежным пункце пропуску «Брузгі».

20.06.2011 Затрыманьні ў Наваполацку

Пры спробе прыняць удзел у Маршы нязгодных 19 чэрвеня ў Наваполацку супрацоўнікі міліцыі затрымалі некалькі актывістаў Беларускай хрысціянскай дэмакратыі, сярод якіх Ілля Багданаў, Крайко Алег і Дуброўскі Андрэй. У 17 гадзін іх даставілі ў мясцовы РАУС, дзе яны былі папярэджаныя аб недапушчальнасці арганізацыі і заклікаў да ўдзелу ў несанкцыянаваных акцыях. Затым усіх адпусьцілі.

17.06.2011 Руслана Усціменку аштрафавалі на 770 тысяч рублёў

Суд Цэнтральнага раёна Гомеля 17 чэрвеня вырашыў, што ён лаяўся матам на акцыі маўклівай салідарнасці 15 чэрвеня.

17.06.2011 Баранавічы: на пікет супраць збяднення народа не хапіла міліцыі

Запланаваны баранавіцкімі сацыял-дэмакратамі пікет 16 чэрвеня ў старым гарадскім парку супраць збяднення народа і павышэння коштаў на тавары і паслугі не адбыўся, бо ў мясцовай міліцыі не аказалася 5 вольных супрацоўнікаў.