Праваабарончы цэнтр «ВЯСНА»

Навіны за Травень 2011

24.05.2011 Апублікаваныя імёны 13 чыноўнікаў, якім забаронены ўезд на тэрыторыю ЕС

Іх пералік з'явіўся 24 траўня на сайце афіцыйнага бюлетэня ЕС.

24.05.2011 «Маладыя дэмакраты» выйшлі да амбасады Сірыі

Удзельнікі (каля 10 чалавек) трымалі плакаты "Свабоду Сірыі!" , "За нашу і вашу свабоду".

24.05.2011 "Малады Фронт" распачынае кампанію па зборы беларускамоўнай літаратуры для беларускіх следчых ізалятараў і турмаў

Калі раней маладафронтаўцы меліся займацца праблемаю выхавання дзетак з дзіцячых дамоў на грунце нацыянальнай ідэі, дык у цяперашняй сітуацыі мы вымушаныя памяняць ракурс і падтрымаць палітвязняў.

24.05.2011 На прадпрыемстве, дзе працаваў адзін з абвінавачаных у мінскім тэракце, мяняюць кіраўніцтва

Цалкам ці часткова будзе звольнена адміністрацыя Віцебскага завода трактарных запчастак, пакуль невядома. Але па выніках праверкі “ на заводзе выяўлены сур’ёзныя недахопы у ідэалагічнай, выхаваўчай, інфармацыйна-прапагандысцкай рабоце, у кадравай службе”.

24.05.2011 Адміністрацыя прэзідэнта не здольная адказаць

Алена Мядзведзева, каардынатар кампаніі “Гавары праўду” у Бабруйску, атрымала 23 траўня адпіску з Адміністрацыі прэзідэнта на зварот супраць будоўлі АЭС у Беларусі.

23.05.2011 Тыднёвы агляд паслявыбарчай сітуацыі ў Беларусі (15-22 траўня)

На мінулым тыдні завяршыліся 3 судовыя працэсы над 16-цю ўдзельнікамі Плошчы, 9 абвінавачаных асуджаны па ч. 1 арт. 342 КК РБ – арганізацыя і падрыхтоўка дзеянняў, якія груба парушаюць грамадскі парадак альбо актыўны ўдзел іх. Прысуд дастаткова мяккі, у параўнанні з папярэднімі: у асноўным пазбаўленне волі з адтэрміноўкай ці ўмоўна. Адкладзены прысуд сямі фігурантам крымінальнай справы, абвінавачаным у масавых беспарадках, у тым ліку 2 кандыдатам у прэзідэнты Міколу Статкевічу і Дзмітрыю Усу, які быў прызначаны на 20 траўня.

23.05.2011 Старшыні ўправы Радыё Рацыя анулявалі беларускую візу

Старшыні ўправы Радыё Рацыя Яўгену Вапу пры перасячэнні польска-беларускай мяжы беларускія памежнікі анулявалі візу, не прапусціўшы такім чынам на тэрыторыю Беларусі, куды ён накіроўваўся па службовых справах.

23.05.2011 Звольненая настаўніца Наталья Ільініч адмовілася ад прапановы працаваць не па спецыяльнасці

Настаўніца Наталля Ільініч, звольненая з Талькаўскай сярэдняй школы Пухавіцкага раёна Мінскай вобласці, адмовілася ад прапановы раённага аддзела адукацыі працаваць не па спецыяльнасці.

23.05.2011 Пётр Кузняцоў абскарджвае адміністрацыйнае спагнанне ў Вярхоўным судзе

Пётр Кузняцоў накіраваў скаргу ў Вярхоўны суд у сувязі з адміністрацыйным штрафам, вынесеным за распаўсюд улётак. Нагадаем, што ў студзені ў выніку дагляду аўтамабіля міліцыя сканфіскавала ў яго каля пяці тысяч улётак, прысвечаных падзеям на Плошчы.

23.05.2011 Ірына Халіп 25 траўня падасць касацыйную скаргу на прысуд

Зараз журналістка знаходзіцца пад падпіскай пра нявыезд.

23.05.2011 У Барысаве з'явіліся графіці пра забастоўку

На днях у Барысаве, дзе, як і ў іншых гарадах краіны, людзі занятыя купляй-продажам валюты, а таксама масавай скупкай прадуктаў харчавання, на сценах будынкаў з’явіліся надпісы «Бастуем».

23.05.2011 Актывістка БХД застаецца на прафілактычным уліку КДБ

Магілёўскі абласны суд не задаволіў касацыйную скаргу Таццяны Шамбалавай на рашэнне суда Ленінскага раёна Магілёва па скарзе на дзеянні ўпраўлення КДБ па Магілёўскай вобласці і прызнаў правамоцнасць пастаноўкі яе на ўлік у КДБ.

23.05.2011 Суддзя па справе Статкевіча і Уса працягвае хварэць

Верагоднасць прызначэння іншага суддзі мінімальная.

23.05.2011 Парфёнаў падпісаў паштоўку палітвязьню Атрошчанкаву

Вядомы расейскі тэлежурналіст Леанід Парфёнаў падпісаў паштоўку беларускаму палітвязьню Аляксандру Атрошчанкаву.

23.05.2011 Салігорскія блогеры супраць блакіроўкі сайтаў

Салігорцы Павел Батуеў і Аляксей Валабуеў выклалі ў сваіх блогах звароты да аператара мабільнай сувязі і пастаўшчыка паслугаў перадачы дадзеных ЗАТ “БеСТ”, вядомага пад гандлёвай маркай life:).