Праваабарончы цэнтр «ВЯСНА»

Навіны за Травень 2011

25.05.2011 Колькасць ахвяр тэракта ў метро павялічылася да 15 чалавек

25 траўня аб 11 гадзіне ў мінскім шпіталі памёр доктар Андрэй Ільін. Пра гэта Еўрарадыё паведаміла жонка загінулага.

25.05.2011 Праваабаронцы адмовілі ва ўзбуджэнні крымінальнай справы

Праваабаронца быў затрыманы 28 сакавіка за распаўсюджанне бюлетэня “Не бойся”, прысвечанага падзеям 19 снежня ў Мінску. У ходзе затрымання Рамана яго гвалтоўна змушалі прайсці дактыласкапію, што парушае правы чалавека.

25.05.2011 З Андрэем Саннікавым у турме сустрэлася маці

Па словах маці, палітыка павінны былі перавесці ў следчы ізалятар у Жодзіна, але пакуль яго пакінулі ў Мінску.

25.05.2011 Ірына Халіп апратэставала прысуд суда

Журналістка Ірына Халіп, жонка кандыдата ў прэзідэнты Беларусі Андрэя Саннікава, падала ў Мінскі гарадскі суд касацыйную скаргу на прысуд, вынесены ёй судом Заводскага раёна Мінска.

25.05.2011 Лёс Паўла Севярынца вырашыцца цягам месяца

Як паведаміў “Народнай Волі” сустаршыня аргкамітэта па стварэнні партыі “Беларуская хрысціянская дэмакратыя” Павел Севярынец, заўтра будзе пададзена касацыйная скарга на рашэнне Заводскага суда Мінска, згодна з якім ён асуджаны на тры гады абмежавання волі ў калоніі-пасяленні.

25.05.2011 Суды за Плошчу: Статкевіч, Ус, Класкоўскі, Пазняк, Квяткевіч, Грыбкоў, Буланаў. Прысуд - 26 траўня

Прысуд па справе экс-кандыдатаў у прэзідэнты Міколы Статкевіча і Дзмітрыя Уса, удзельнікаў Плошчы Аляксандра Класкоўскага, Аляксандра Квяткевіча, Дзмітрыя Буланава, Арцёма Грыбкова і Андрэя Пазняка абвесцяць 26 траўня а 14-й гадзіне. Працэс па іх справе ідзе ў Ленінскім судзе Мінска.

25.05.2011 Міліцыя спыніла пратэсты кіроўцаў супраць цэнаў на бэнзін

З-за прэвэнтыўнага затрыманьня арганізатара акцыі "Стоп-бэнзін" Арцёма Шаркова, які быў дастаўлены на гутарку ў апорны пункт Фрунзенскага РУУС, акцыя супраць чарговага падвышэньня коштаў на паліва адбылася ня ў поўным фармаце.

25.05.2011 У Магілёве распаўсюджваюць судовую прамову Андрэя Саннікава

Улёткі распаўсюджваліся па паштовых скрынках, на вуліцах горада і ў грамадскім транспарце. Народ пераважна ў курсе справаў, што адбылося з кандыдатамі ў прэзідэнты, у тым ліку і з Андрэем Саннікавым, ахвотна ідзе на кантакт і адэкватна ўспрымае інфармацыю.

25.05.2011 Ірына Салей: на майго сына павесілі “брудны” крымінальны артыкул

Ірына Салей пераканана, што крымінальная справа, узбуджаная супраць на яе сына Аляксея Салея, фотажурналіста і сябра БАЖ, які працаваў апошнім часам у часопісе “Magazyn Polski na uchodzstwie” , мае выразны палітычны падтэкст.

25.05.2011 Прыёмным сем’ям утрымліваць дзяцей усё складаней

У сувязі з тым, што апошнім часам у краіне рэзка пачалі падвышацца кошты на самыя неабходныя прадукты і тавары, праблем у гэтых сем’ях значна прыбавілася. Тых грошай, якія выдзяляе дзяржава на ўтрыманне прыёмных дзяцей, катастрафічна не хапае.

24.05.2011 Мінскім анархістам пракурор запрасіў ад 3 да 9 гадоў (абноўлена)

У судзе Заводскага раёну Мінска на працэсе па справе анархістаў пачаліся судовыя спрэчкі. Пракурор просіць для Ігара Аліневіча 9 гадоў зняволення ў калоніі ўзмоцненага рэжыму, для Мікалая Дзядка -- 6, для Аляксандра Францкевіча -- 5 гадоў. Максіма Веткіна ён прапануе пакараць 4 гадамі абмежавання волі, Яўгену Сілівончыку волю абмежаваць на 3 гады. Максімальны тэрмін пакарання па прад'яўленым ім крымінальным артыкулам складае 10 гадоў зняволення.

24.05.2011 Дзмітрыю Бандарэнку патрабуецца аперацыя

Даверанай асобе былога кандыдата ў прэзідэнты Андрэя Саннікава Дзмітрыю Бандарэнку, прыгаворанаму да двух гадоў пазбаўлення волі ў калоніі агульнага рэжыму, неабходна аперацыя, паведаміла жонка Дзмітрыя Вольга Бандарэнка.

24.05.2011 Падатковыя інспектары апісалі маёмасць БХК

Праверка з падатковай інспекцыі прыйшла ў офіс Беларускага Хельсінскага камітэту 24 траўня.

24.05.2011 «Тэксты Пачобута не ўтрымліваюць абразаў на адрас згаданых у іх публічных асобаў... »

Камісія па этыцы ГА «БАЖ» прааналізавала некалькі публікацый, якія сталі падставай для ўзбуджэння крымінальнай справы супраць гродзенскага журналіста Андрэя Пачобута.

24.05.2011 За двое сутак – дзве адпіскі

Сёння, 24 траўня, бабруйская каардынатарка руху “Гавары праўду” Алена Мядзведзева паведаміла, што атрымала яшчэ адну адпіску на заяву супраць будоўлі АЭС -- ужо ад Савета міністраў.