Праваабарончы цэнтр «ВЯСНА»

Навіны за Люты 2011

16.02.2011 22 лютага пачнецца суд над расіянамі за ўдзел у Плошчы

Судовы працэс над расійскімі грамадзянамі Іванам Гапонавым і Арцёмам Брэусам пачнецца 22 лютага ў Маскоўскім судзе Мінска. Пачатак першага паседжання – у 10 гадзінаў. Адрас Маскоўскага суда: Мінск, праспект газеты Праўда, 27.

16.02.2011 Валянцін Стэфановіч: “Рукамі Мінюста ажыццяўляюцца спробы заткнуць рот адвакацкай супольнасці”

16 лютага з’явілася інфармацыя пра тое, што Кваліфікацыйная камісія Міністэрства юстыцыі прыняла рашэнне пра пазбаўленне ліцэнзіі шэрагу адвакатаў – адвакатаў Ірыны Халіп Уладзіміра Тоўсціка і Тамару Гараеву, адваката Алеся Міхалевіча Алега Агеева і яго маці адваката Таццяну Агееву.

16.02.2011 “Не прыйдзеш сама – прывязем у кайданках!”

Берасцейскую актывістку Кацярыну Пашко нечакана запрасілі па тэлефоне ў мясцовае упраўленьне па барацьбе з арганізаванай злачыннасцю і карупцыяй. Пасьля таго, як дзяўчына запатрабавала позву, ёй паабяцалі даставіць на гутарку ў кайданках.

16.02.2011 Журналістку Бублікаву выклікаюць у Генпракуратуру

Журналістцы патэлефанаваў намеснік начальніка аддзелу па наглядзе за выкананнем правоў і свабод грамадзян Генеральнай пракуратуры РБ дарадца юстыцыі Павел Елісееў і запрасіў яе на размову з нагоды «праверкі».

16.02.2011 Таісія Кабанчук: "Начальнік на Акрэсьціна пагражаў Вадзіму крымінальнай справай"

Маці арыштаванага Вадзіма Кабанчука, магілёўская абласная каардынатарка БХД Таісія Карпаўна Кабанчук дабілася сустрэчы з начальнікам цэнтра ізаляцыі на Акрэсьціна Сяргеем Карповічам. У размове зь ёй Карповіч заявіў, што гэты адміністрацыйны прысуд Вадзіму не канчатковы, і пры далейшым разьбіральніцтве супраць яго можа быць распачатая крымінальная справа.

16.02.2011 Першая перамога жанчын, ня згодных з выракамі беларускіх судоў

Дзякуючы намаганням групы жанчын на 15 гадоў раней за тэрмін прысуду выйшаў на свабоду Яўген Мірановіч. Мінскі абласны суд асудзіў яго да 30 гадоў пазбаўлення волі, абвінаваціўшы ў рабаўніцтве і забойстве.

16.02.2011 "Белсаюздрук" не збіраецца павялічыць тыраж газеты "Народная Воля" ў рознічным гандлі

Няма таго дня, каб у рэдакцыю не завіталі дзясяткі (а то і сотні) чалавек з адным пытаннем: дапамажыце набыць свежы нумар "Народнай Волі"! Сапраўды, у апошнія месяцы гэта стала праблемай. Асабліва ў Мінску.

16.02.2011 Ірына Халіп застанецца пад хатнім арыштам

КДБ адхіліла хадайніцтва Жанны Літвіной і Андрэя Бастунца аб іх асабістым паручальніцтве за Ірыну Халіп. Ліст падпісаў следчы па асабліва важных справах 1 аддзелу следчага ўпраўлення КДБ, маёр юстыцыі А. Самбук.

16.02.2011 КДБ робіць ператрус у віцебскім “Эўрапейскім клюбе”

Каля 12.00 некалькі супрацоўнікаў КДБ у Віцебску прыйшлі з пастановай на ператрус у дом №5 па вуліцы 1-й Сеньненскай. У гэтым доме, дзе віцебскія актывісты ладзяць грамадзкія імпрэзы, знаходзяцца Хрыстафор Жаляпаў, давераная асоба Аляксея Міхалевіча і віцебскі каардынатар “За Свабоду”, а таксама актывіст руху Валеры Пятроў.

16.02.2011 Актывістку, якая не была на Плошчы, дапыталі як сьведку

15 лютага ў Мазырскі аддзел Гомельскай управы КДБ была выклікана сябра Аб’яднанай грамадзянскай партыі з Калінкавічаў Людміла Краснасельская.

16.02.2011 Новыя абвінавачаньні па “справе анархістаў”

За апошні тыдзень тром зьняволеным па “справе анархістаў” былі прад’ўленыя новыя сур'ёзныя абвінавачаньні.

15.02.2011 Аляксандра Арастовіча выпусцілі пад падпіску аб нявыездзе

Аляксандра Арастовіча, аднаго з фігурантаў крымінальнай справы аб масавых беспарадках, выпусцілі з СІЗА КДБ пад падпіску аб нявыездзе.

15.02.2011 17 лютага – суд над Васілём Парфянковым

Пацвердзілася інфармацыя аб тым, што 17 лютага пачынаюцца першыя суды па справе аб масавых беспарадках. Прынамсі, цяпер дакладна вядома, што а 10-й гадзіне ў гэты дзень у судзе Фрунзенскага раёна Мінска будуць судзіць Васіля Парфянкова. Адрас Фрунзенскага суда: Мінск, вул. Дуніна-Марцінкевіча, 1/2 (ст.метро Спартыўная).

15.02.2011 Генсакратар Рады Еўропы заклікаў Беларусь тэрмінова ўвесці мараторый на смяротную кару

Генеральны сакратар Рады Еўропы Турб’ёрн Ягланд заклікае Беларусь тэрмінова ўвесці мараторый на смяротную кару. Адпаведную заяву распаўсюдзіла 15 лютага прэс-служба Рады Еўропы.

15.02.2011 Замест кветак - афіцыйнае папярэджанне

Сёння Тацяна Шамбалава, давераная асоба былога кандыдата Віталя Рымашэўскага на прэзідэнцкіх выбарах, наведала УКГБ па Магілёўскай вобласці, дзе з ёй была праведзена прафілактычная гутарка. Таксама супрацоўнікі КДБ уручылі актывістцы афіцыйную паперу аб вынясенні ёй папярэджання за удзел у незарэгістраванай партыі БХД і ў несанкцыянаваным масавым мерапрыемстве 19 снежня.