Праваабарончы цэнтр «ВЯСНА»

Навіны за Люты 2011

15.02.2011 Вадзім Кабанчук асуджаны на 10 сутак

Сёньня ад самай раніцы Таісія Кабанчук чакала ў Маскоўскім судзе працэсу над сынам, але Вадзіма так і не прывезьлі. Сябры тэлефанавалі ва ўсе канцылярыі менскіх судоў, але так і не маглі дабіцца, дзе будзе праходзіць суд над Вадзімам Кабанчуком.

15.02.2011 Amnesty International: Праваабарончы цэнтр “Вясна” мэтанакіравана пераследуюць за законную праваабарончую дзейнасць

Amnesty International лічыць, што Праваабарончы цэнтр “Вясна” і яго супрацоўнікаў мэтанакіравана пераследуюць за законную праваабарончую дзейнасць, і просіць вярнуць усё канфіскаванае падчас ператрусу абсталяванне. Пра гэта гаворыцца ў апублікаваным уплывовай міжнароднай арганізацыяй дакладзе – “Бяспека, мір і парадак?”: Парушэнні пасля выбараў у Беларусі”.

15.02.2011 Прафесара Георгія Лепіна апыталі

Прафесар Георгій Лепін 14 лютага наведаўся да следчага ў Кастрычніцкі РУУС Менска. Ён распавёў, што гутарка доўжылася каля паўтары гадзіны і следчы вёў запіс з яго словаў. Бланк, які падпісваў прафесар пасля азнаямлення, быў аформлены не як пратакол допыту, а як апытанне сведкі.

15.02.2011 Студэнтаў прымушаюць падпісаць зварот, што асуджае санкцыі Еўрасаюзу

У звароце адзначаецца, што студэнты выступаюць супраць санкцыяў, падрыхтаваных з удзелам беларускай апазіцыі.

15.02.2011 Слухайце штотыднёвую праваабарончую праграму “Людзьмі звацца!” на хвалях Радыё Рацыі

Кожны аўторак у эфіры незалежнай радыёстанцыі “Радыё Рацыя” - праграма “Людзьмі звацца!”, якая асвятляе падзеі, датычныя правоў чалавека на Беларусі. Праграма складаецца з наступных рубрык: “Хроніка пераследу”, "Падзея тыдня", “Інтэрв’ю са змагаром за дэмакратычныя каштоўнасці” і “Захаваем жыццё”. Час выхаду праграмы ў эфір – 15-05. Таксама ў гэты час яе можна слухаць праз інтэрнэт на сайце www.racyja.com.

15.02.2011 У контрвыведцы Наста Лойка правяла 15 хвілінаў

Пасьля неаднаразовых тэлефанаваньняў праваабаронца Наста Лойка пагадзілася сустрэцца са следчым контвыведкі. Сустрэча адбылася 15 лютага і доўжылася 15 хвілінаў. Прычым абяцанай позвы Лойка так і не дачакалася, аднак паколькі паабяцала следчым з’явіцца на допыт, слова сваё выканала.

15.02.2011 Кіраўнік Еўрапарламента патрабуе тэрмінова вызваліць Андрэя Пачобута

Па меркаванні сп-ра Бузэка, 15-суткавы арышт, на які асудзілі журналіста, з’яўляецца праявай «ціску ўладаў ў Мінску на тых грамадзян сваёй краіны, якія маюць смеласць думаць інакш і гаварыць пра гэта адкрыта».

15.02.2011 Навагрудцам адмовілі ў змяненні меры стрымання Н.Палажанкі

Вернікам царквы “Новае пакаленне” з Навагрудка адмовілі ў хадайніцтве па змене меры стрымання Насты Палажанкі, якая падазраецца ва ўдзеле ў масавых беспарадках 19 снежня ў Мінску і зараз знаходзіцца пад следствам у СІЗА КДБ.

15.02.2011 Сёння выклікаюць позвай у КДБ маладафронтаўца Змітра Ясевіча

Актывіст быў збіты на Плошчы і патрапіў у шпіталь, магчыма, з-за гэтага ён пазбег затрымання і суда ўжо адразу пасля прэзідэнцкіх выбараў.

15.02.2011 Дашкевіча знаёмяць з матэрыяламі крымінальнай справы

Ад сёньня лідэр “Маладога фронту” Зміцер Дашкевіч пачынае знаёміцца з матэрыяламі крымінальнай справы, узбуджанай па ч.3 артыкула 339 Крымінальнага Кодэксу ( асабліва злоснае хуліганства), якое прадугледжвае пакаранне ў выглядзе пазбаўлення волі на тэрмін ад трох да дзесяці гадоў. Абвінавачаньне Дзмітрыю Дашкевічу і актывісту “МФ” Эдуарду Лобаву было прад’яўлена 6 студзеня.

15.02.2011 Гродна: ператрус на кватэры Міколы Лемяноўскага

14 лютага міліцыянты правялі ператрус у кватэры сябра Партыі БНФ Міколы Лемяноўскага. Гэта адбылося пасля таго, як уначы была затрымана дачка Лемяноўскага Вераніка разам з іншай моладзевай грамадскай актывісткай Надзеяй Крапівінай.

15.02.2011 Агляд-хроніка парушэньняў правоў чалавека ў Беларусі, студзень 2010 году

Пачатак году адзначыўся працягам рэпрэсіяў, якія ахапілі краіну пасьля шматтысячнай дэманстрацыі пратэсту супраць фальсіфікацыі вынікаў прэзідэнцкіх выбараў, якая адбылася ў цэнтры Менску 19 сьнежня. Увесь студзень не спыняліся ператрусы і допыты ў КДБ, санкцыянаваныя ў межах расьследаваньня крымінальнай справы па арт. 293 КК РБ “Масавыя беспарадкі”.

14.02.2011 17 лютага пачынаюцца суды ў справе аб масавых беспарадках

Паводле непацверджанай інфармацыі, на гэты дзень прызначаны разгляд справы Васіля Парфянкова. Аб гэтым “Белсату” паведаміў праваабаронца Валянцін Стэфановіч.

14.02.2011 У дзень Святога Валянціна Алесь Бяляцкі даведаўся пра спатканне з Генеральнай пракуратурай

14 лютага пасля абеду старшыні праваабарончага цэнтру “Вясна” Алесю Бяляцкаму затэлефанаваў чалавек, які прадставіўся намеснікам начальніка аддзела па нагляду за захаваннем правоў і свабодаў грамадзянаў Генеральнай пракуратуры РБ Паўлам Елісеевым. Супрацоўнік Генпракуратуры выказаў жаданне пагутарыць з А. Бяляцкім. На пытанне, наконт чаго мяркуецца гутарка, сп. Елісееў адказаў: “Наконт дзейнасці праваабарончага цэнтра “Вясна”.

14.02.2011 Кадэбісты шчыруюць у Мазыры

У пятніцу, 11 лютага, у Мазыры выклікалі на допыт у гораддзел УКДБ па Гомельскай вобласці Алеся Кавальчука – давераную асобу Віталя Рымашэўскага. У панядзелак, 14 лютага, на допыце па выкліку органаў дзяржбяспекі пабываў Рыгор Крывіцкі, які падчас выбараў быў кіраўніком штабу Андрэя Саннікава ў Мазыры. Акрамя таго, позва прыйшла грамадскаму актывісту і правабаронцу Уладзіміру Целяпуну.