Праваабарончы цэнтр «ВЯСНА»

Навіны за Студзень 2011

20.01.2011 Хроніка допытаў

Праваабарончы цэнтр “Вясна” фіксуе факты допытаў, якія адбыліся напярэдадні і працягваюцца па ўсёй краіне пасля падзеяў 19 снежня.

20.01.2011 Еўрапарламент абсалютнай большасцю галасоў прыняў рэзалюцыю па Беларусі

На прапанову Яцэка Пратасевіча, у тэксце рэзалюцыі згаданыя імёны чатырох былых кандыдатаў у прэзідэнты, якія па сёння знаходзяцца ў турме КДБ. Таксама Еўрапарламент "асабліва занепакоены станам здароўя Мікалая Статкевіча, які трымае галадоўку больш за 30 дзён".

20.01.2011 Ператрус пачынаецца ў кіраўніцы “Студрады”

Дома, у адной з кіраўніц моладзевага праекту “СтудРада” Лізы Яфімавай супрацоўнікі КДБ спрабуюць зладзіць ператрус і пагражаюць узламаць дзверы. Ліза зараз дабіраецца да месца жыхарства разам з адвакатам.

20.01.2011 За акцыю салідарнасьці — 70 і 700 тысяч штрафу

Наваполацкі гарадзкі суд аштрафаваў мясцовых актывістаў Віктара Калесьніка і Аляксандра Калінцава за акцыю салідарнасьці 19 студзеня.

20.01.2011 Маладафронтаўцу Уладзіміру Яроменку далі 7 сутак арышту

Маладафронтавец Уладзімір Яроменак знайшоўся ў ізалятары на Акрэсціна пасля таго, як у сераду супрацоўнікі КДБ забралі яго з дому на допыт у якасці сведкі па масавых беспарадках 19 снежня. Пра гэта паведамляе прэс-служба "Маладога фронту".

20.01.2011 Судзяць Валадзькоі Кудрова (абнаўляецца)

Актывіста Кірыла Кудрова таксама пакаралі штрафам у 30 базавых велічыняў (1 мільён 50 тысяч рублёў). Прысуд па артыкуле 23.34 КаАП РБ вынесла суддзя суду Цэнтральнага раёна Вікторыя Шабуня.

20.01.2011 З партыйнага офіса — у КДБ

Увечары 19 студзеня супрацоўнікі спецслужбаў даставілі ў КДБ моладзевага актывіста Аб’яднанай грамадзянскай партыі Усевалада Шашарына.

20.01.2011 «Тэмпэратура ў камэрах „амэрыканкі“ — каля 10 градусаў»

Арыштантка сьледчай турмы КДБ журналістка Натальля Радзіна захварэла на бранхіт. Сваякі затрыманых кажуць пра нізкую тэмпэратуру ў камэрах.

20.01.2011 Ацэнка падзеяў, звязаных з выбарамі прэзідэнта: пазіцыя Праваабарончага цэнтра “Вясна”

- Выбары Прэзідэнта Рэспублікі Беларусь не з’яўляліся свабоднымі і дэмакратычнымі. Вынікі выбараў, абвешчаныя ЦВК, ніякім чынам не адлюстроўваюць рэальнага волевыяўлення грамадзян Беларусі. - Акцыя пратэсту па выніках недэмакратычных і несвабодных выбараў мела мірны характар. Грамадзяне, якія сабраліся ў цэнтры Мінска, мелі мірныя мэты і імкнуліся мірным шляхам выказаць сваё меркаванне і пратэст. - Збіццё і арышт фактычна ўсіх кандытаў у прэзідэнты, якія апаніравалі А.Лукашэнку на выбарах, з’яўляецца нічым іншым як палітычнай расправай. - Колькасць палітычных вязняў у краіне дасягнула рэкорднай за перыяд 16-гадовага кіравання А.Лукашэнкі колькасці і спіс увязненных яшчэ не закрыты.

20.01.2011 У Бялынічах дапыталі праваабаронцу Андрэя Палуду

На 19 студзеня праваабаронцу Андрэя Палуду позвай выклікалі да начальніка Шклоўскага міжраённага упраўленьня КДБ. Некалькі дзён да гэтага яго спрабавалі запрасіць на размову па тэлефоне.

20.01.2011 Абвінавачваньне прад’яўленае Ільлю Васілевічу

Аднаму з падазраваных па крымінальнай справе аб масавых беспарадках Ільлю Васілевічу прад’яўленае абвінавачваньне. Пра гэта праваабаронцам паведаміў адзін з ягоных сяброў.

20.01.2011 Актывістку Паліну Шарэнду-Панасюк дапыталі ў КДБ

Брэсцкую актывістку дэмакратычных сіл Паліну Шарэнду-Панасюк 19 студзеня дапыталі ў КДБ.

20.01.2011 Актывіста "Еўрапейскай Беларусі " затрымаў КДБ

Актывіста грамадзянскай кампаніі "Еўрапейская Беларусь" Максіма Вінярскага 19 студзеня затрымалі супрацоўнікі КДБ. Як паспеў паведаміць Максім па тэлефоне, яго вязуць дадому, каб правесці ператрус.

20.01.2011 Затрыманьні за акцыю салідарнасьці ў Наваполацку

У Наваполацкі гарадзкі аддзел міліцыі 19 студзеня былі забраныя Віктар Калесьнік і Аляксандар Калінцаў. Яны выставілі насупраць мясцовага гарвыканкаму вялікі транспарант са словамі «Свабоду зьняволеным!» і партрэтамі вязьняў СІЗА КДБ.

19.01.2011 22 удзельнікі акцыі салідарнасьці знаходзяцца ў Цэнтральным РАУСе Менска (дадаецца)

Многія з затрыманых увечары 19 студзеня не пасьпелі прыняць у акцыі ўдзелу: іх затрымалі на падыходах да будынку КДБ. Агулам, як стала вядома праваабаронцам, затрымана 22 чалавекі. Зараз яны ў Цэнтральным РАУСе Менска