Праваабарончы цэнтр «ВЯСНА»

Навіны за 10 студзеня 2011

10.01.2011 Праваабаронца: Нават следчы КДБ не ведае, колькі ператрусаў было ў краіне!

Еўрарадыё паспрабавала падлічыць, колькі камп'ютараў канфіскавалі за апошнія дні і колькі ператрусаў прайшло ў краіне ў сувязі з падзеямі 19 снежня.

10.01.2011 Місюкевіча арыштавалі на 12 сутак

Сёньня суд Маскоўскага раёну пакараў маладафронтаўца арыштам на 12 сутак. 4 зь іх хлапец ужо адсядзеў.

10.01.2011 Падазраваны па крымінальнай справе Васіль Парфянкоў -- у СІЗА на Валадарскага

Васіль Парфянкоў -- чарговы падазраваны па крымінальнай справе аб масавых беспарадках. Ён паказаны ў фільме "Плошча. Жалезам па шкле" як адзін з тых, хто біў шкло ў Доме ўраду. Утрымліваецца ў СІЗА на Валадарскага.

10.01.2011 Ператрусы ў Брэсце працягваюцца

У Брэсце на кватэры прафсаюзнай актывісткі Зінаіды Міхнюк пачаўся ператрус. Пра гэта Еўрарадыё паведаміў праваабаронца Уладзімір Вялічкін.

10.01.2011 Чатырнаццаты падазраваны па крымінальнай справе аб масавых беспарадках -- Аляксандр Квяткевіч

Праваабарончы цэнтр "Вясна" атрымаў інфармацыю, што яшчэ адным (чатрынаццатым, па нашых звестках) падазраваным па крымінальнай справе аб масавых беспарадках з'яўляецца Аляксандр Квяткевіч, які ўжо адбыў 12-сутачны арышт. Зараз ён утрымліваецца ў СІЗА на вул. Валадарскага.

10.01.2011 Ператрус параходзіць у Галіны Юрынай

У Менску на вуліцы Берута прыкладна ў 15-00 пачаўся ператрус у актывісткі Галіны Юрынай, па справе масавых беспарадкаў у Менску 19 сьнежня. Яна адчыніла следчым пасьля пагроз з іх боку ўзламаць дзверы.

10.01.2011 Ператрус у Лазаравых (Маладзечна), якія сядзелі на сутках пасля Плошчы

У кватэры ў Маладзечне, дзе прапісаныя Лазарава Анастасія (сястра) і Лазараў Пётр (бацька), якія адбылі 10 і 15 сутак, сёння адбываўся ператрус. Там пражывае толькі мама, у якой няма ні кампутара, ні носьбітаў інфармацыі, таму нічога не забралі. Проста павывучалі літаратуру і прапанавалі здаць зброю.

10.01.2011 Брэст: У кватэры Ігара Слядзеўскага -- ператрус, яго самога з працы даставілі ў КДБ

Ігар Слядзеўскі з Брэста -- бацька актывісткі Кацярыны Слядзеўскай, якая за ўдзел у акцыі пратсту ў Мінску была арыштавана на 10 сутак. Ён таксама з'яўляецца гаспадаром кватэры, якую здымае Юрый Бакур, і дзе зараз праводзіцца ператрус у межах расследвання крымінальнай справы аб масавых беспарадках. Дастаўлены ў КДБ проста з працоўнага месца.

10.01.2011 Ператрус у рэдакцыі газеты «Борисовские новости»

Супрацоўнікі барысаўскага РУУС апісваюць аргтэхніку незалежнага выдання. У рэдакцыі незалежнай рэгіянальнай газеты «Борисовские новости» адбываецца ператрус.

10.01.2011 У брэсцкіх актывістаў Дзмітрыя Шурхая і Юрыя Бакура збіраюцца правесці ператрус

Юрый Бакур і Дзмітрый Шурхай пражываюць у здымных кватэрах, таму для правядзення ператрусаў дастаўляюцца гаспадары жылля. Ператрусы праводзяцца згодна з пастновай, дзе ўказваецца, што дадзеныя следчыя дзеянні ажыццяўляюцца ў межах расследвання крымінальнай справы аб масавых беспарадках.

10.01.2011 Ідзе ператрус у кіраўніка моладзевай арганізацыі АГП па Брэсцкай вобласці Уладзіміра Вуека

Прыкладна ў 10 гадзін раніцы пачаўся ператрус у кіраўніка моладзевай арганізацыі АГП "Маладыя дэмакраты" па Брэсцкай вобласці Уладзіміра Вуека. Следчае дзеянне праводзіцца ў межах расследвання крымінальнай справы аб масавых беспарадках.

10.01.2011 У Брэсце адбыўся ператрус ў Арцёма Церашонка

Ад брэсцкіх праваабаронцаў стала вядома, што зранку праведзены ператрус у моладзевага актывіста Арцёма Церашонка, які раней пазыціянаваўся як сябра руху "Гавары праўду". Ператрус праводзіўся ў межах расследвання крымінальнай справы па масавых беспарадках.

10.01.2011 ААН прызнала, што ў Беларусі быў факт катавання непаўналетняга

Камітэт ААН па правах чалавека вызначыў факт парушэння грамадзянскіх правоў непаўналетняга асуджанага гамяльчаніна ў часе разгляду крымінальнай справы.

10.01.2011 Сёння павінны прад’явіць абвінавачванні шэрагу актывістаў

Следчыя КДБ цягам панядзелка маюць прад’явіць абвінавачанні шэрагу актывістаў альбо прыняць рашэнне аб іх вызваленні. Праваабаронцы чакаюць, што многіх з затрыманых на мінулым тыдні супрацоўнікам сілавых органаў прыйдзецца вызваліць з-за відавочнай адсутнасці ў іхных дзеяннях складу злачынства.