Праваабарончы цэнтр «ВЯСНА»

Навіны за Студзень 2010

29.01.2010 Фармаванне Гарадзенскай гарадской тэрытарыяльнай камісіі прайшло па накатаным сцэнары

Усё паседжанне, якое вёў старшыня гарвыканкаму Барыс Казялкоў, доўжылася каля 15 хвілінаў. Кандыдатуры прэтэндэнтаў увогуле не абмяркоўваліся. Прадстаўнікі Партыі БНФ, АГП, БСДГ (Грамада) у склад камісіі не патрапілі.

29.01.2010 Прызначаны суд па крымінальнай справе Алега Сургана

Віцебскага дэмакратычнага актывіста вінавацяць у супраціве міліцыянтам падчас затрыманьня за вывешваньне бел-чырвона-белага сьцягу. Ад учора ён знаходзіцца ў СІЗА №2 Віцебска.

29.01.2010 Асацыяцыя еўрапейскіх журналістаў выказала салідарнасць з беларускімі калегамі

Асацыяцыя еўрапейскіх журналістаў (AEJ) выступіла з заявай, у якой заклікала кіраўніцтва Беларусі спыніць пераслед незалежных журналістаў і забяспечыць бесперашкодную дзейнасць БАЖ.

29.01.2010 Службе няма замены. Толькі турма

У судзе Менскага раёну сёньня пачынаецца суд у крымінальнай справе верніка Івана Міхайлава. Хлопца абвінавачваюць ва ўхіленьні ад вайсковай службы. Івана затрымалі 20 сьнежня і дагэтуль трымаюць пад вартай. Яму пагражае паўгода арышту.

28.01.2010 Бабруйск: У гарадской камісіі дэмакратам месца няма

У выніку, у склад камісіі былі абраныя прадстаўнікі праўладных БРСМ, КПБ, “Белая Русь”, БСЖ, а таксама бабруйчане, якія займаюць кіруючыя пасады ў дзяржаўных установах і прадпрыемствах.

28.01.2010 Магілёўскія дэмакраты будуць абскарджваць неўключэнне свайго прадстаўніка ў склад гарадской камісіі

У склад камісіі не патрапіў ніводны прадстаўнік ад дэмакратычных арганізацый горада. З чатырох пададзеных дэмакратамі заяваў усе былі адхілены.

28.01.2010 У Магілёўскай абласной выбарчай камісіі няма дэмакратаў

Прафесару Валеру Беразіенка, які вылучаўся ад Беларускай партыі левых «Справядлівы свет», было адмоўлена з-за ўзросту – яму 71 год. Кандыдату эканамічных навук Пятру Мігурскаму было адмоўлена з-за яго дэмарша, калі ім былі выяўлены факты фальсіфікацыі выніковых пратаколаў з дзвух участковых камісій Шклоўскага раёну і ў знак пратэста ён выйшаў са складу акруговай камісіі. Прадстаўніка ад АГП Уладзімера Парфёнава чыноўнікі не ўключылі, бо ён беспрацоўны і даглядае дзіця-інваліда.

28.01.2010 Загадкавае фармаванне Бярозаўскай раённай выбарчай камісіі: а ці было паседжанне?

Супрацоўнікі райвыканкаму “ня ведалі”, калі павінна адбыцца сумеснае паседжанне прэзідыума райсавета і райвыканкама. “Ня ведалі” ці проста не падымалі тэлефоны амаль увесь дзень 27 студзеня (было зроблена больш за 50 званкоў), а потым паведамілі, што камісія ўжо сфармавана.

28.01.2010 Віцебск: У абласной камісіі ліберальныя дэмакраты і камуністы

Не былі абраныя ў выбарчую камісію прадстаўнікі Віцебскай абласной арганізацыі Аб'яднанай грамадзянскай партыі Сяргей Якаўлеў і Віцебскай абласной арганізацыі Партыі БНФ Кастусь Смолікаў.

28.01.2010 Салігорск: Прафсаюзы ўдзельнічаюць у выбарах, дэмакраты – не

У Салігорску назіраецца агульнае пасіўнае стаўленьне да выбараў у мясцовыя Саветы дэпутатаў. Дэмакратычныя арганізацыі і партыі ўжо праігнаравалі вылучэньне ў Салігорскую раённую камісію. Відавочна, падобная сітуацыі будзе назірацца і надалей.

28.01.2010 Падчас выбараў міліцыя пяройдзе на ўзмоцнены рэжым

Першы намеснік начальніка галоўнага упраўлення аховы грамадскага парадку і прафілактыкі, начальнік упраўлення правапарадку МУС Беларусі Аляксандр Барсукоў паведаміў журналістам, што беларуская міліцыя падчас правядзення выбараў у мясцовыя Саветы дэпутатаў пяройдзе на ўзмоцнены варыянт нясення службы.

28.01.2010 Віцебскія партыйцы вылучылі ў склад тэрытарыяльных камісій усяго 1,5% ад агульнай колькасці прэтэндэнтаў

Паводле канчатковых дадзеных, палітычныя партыі, афіцыйна дзейсныя ў Віцебскай вобласці, вылучылі ў тэрытарыяльныя камісіі ўсіх узроўняў 30 прадстаўнікоў, што склала толькі 1,5 % ад агульнай колькасці прэтэндэнтаў.

28.01.2010 Сёлета чакаецца чарговая амністыя

Пра гэта паведаміў на прэс-канфэрэнцыі міністар унутраных спраў Анатоль Куляшоў. Паводле слоў міністра, пытаньне аб правядзеньні амністыі зараз абмяркоўваецца ўсімі зацікаўленымі ведамствамі. Рашэньне можа быць прынята пасьля ўсіх заключэньняў.

28.01.2010 У Гомельскай абласной камісій прадстаўнікоў дэмсіл не будзе

Як паведаміў старшыня абласной арганізацыі партыі АГП Васіль Палякоў, наогул галасаванне адбывалася па прапанаваным спісе з 13 чалавек.

28.01.2010 У Менскую гарадскую камісію ўключылі Сяргея Альфера і Сяргея Вазняка

У склад камісіі не быў уключаны Сяргей Мацкевіч,старшыня Асамблеі няўрадавых арганізацый Беларусі і каардынатар Форума грамадзянскай супольнасці ў рамках ініцыятывы "Усходняга Партнерства".