Праваабарончы цэнтр «ВЯСНА»

Навіны за Студзень 2010

28.01.2010 У Гарадзенскую абласную камісію ўключаны толькі адзін прадстаўнік апазіцыйнай партыі

Паседжанне прайшло ў стылі савецкіх часоў, калі адзін чалавек прапаноўвае, а астатнія толькі галасуюць. У камісію уключылі трынаццаць асобаў спіскам, нават не абмяркоўваючы кандыдатуры.

28.01.2010 Куляшоў: Журналісты самі правакуюць міліцыянтаў на грубасьць

Падчас прэсавай канфэрэнцыі міністра ўнутраных спраў Беларусі Анатоля Куляшова журналісты паскардзіліся яму на грубыя паводзіны міліцыянтаў падчас масавых акцыяў, калі тыя перашкаджаюць фотакарэспандэнтам і відэаапэратарам выконваць свае працоўныя абавязкі.

28.01.2010 Гродна: Прадстаўніка БХК не пусцілі на паседжанне па фармаванні тэрытарыяльнай камісіі

Раман Юргель меў накіраванне ад БХК, але намеснік начальніка аддзелу па арганізацыйна-кадравай працы Сяргей Хацук не дазволіў прысутнічаць на паседжанні.

28.01.2010 Мінюст: з пастановай Мінінфармацыі «не было ніякіх праблем»

Міністр юстыцыі «не гатовы сказаць», ці рабіла яго ведамства экспертызу дзвюх пастаноў Міністэрства інфармацыі, прынятых у кастрычніку 2009 года і датычных рэгістрацыі новых СМІ. Пра гэта Віктар Галаванаў паведаміў на прэс-канферэнцыі 27 студзеня, адказваючы на пытанне карэспандэнта прэс-службы БАЖ.

28.01.2010 У Менскай абласной камісіі прадстаўнікоў апазіцыі не будзе

Па інфармацыі Сяргея Салаша, ніводны з прадстаўнікоў дэмакратычнай апазіцыі, у тым ліку і Алег Мацкевіч, у склад абласной тэрытарыяльнай камісіі не ўключаны.

28.01.2010 Барысаў: "Лібералізацыя" скончылася на ўзроўні аблвыканкама

Павел Жуга, да якога Марына Статкевіч звярнулася за тлумачэннямі, наконт таго, чаму не былі праінфармаваныя законныя прадстаўнікі грамадзян, якія вылучылі яе ў склад камісіі, паводле яе, адказаў, што аб'ява пра гэта мерапрыемства была змешчана на дошцы аб'яў у вестыбюлі райвыканкама.

28.01.2010 Менск: Нулявы эфект прысутнасці

Менскі гарадскі камітэт Беларускай сацыял-дэмакратычнай партыі (Грамада) не вылучыў свайго кандыдата ў сябры Менскай гарадской выбарчай камісіі, спаслаўшыся на недастаткова высокі ўзровень магчымасцяў гэтай структуры.

28.01.2010 Мікалай Лазавік: Палітычныя партыі ўхіліліся ад удзелу ў працы тэрытарыяльных выбаркамаў

Палітычныя партыі Беларусі практычна ўхіліліся ад удзелу ў працы тэрытарыяльных выбарчых камісій па выбарах у мясцовыя Саветы дэпутатаў. Такое меркаванне карэспандэнту БЕЛТА выказаў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік.

28.01.2010 Тэрмін утрымання пад вартай Аўтуховіча і Асіпенкі падоўжаны да 28 лютага

Утрыманне пад вартай ваўкавыскіх прадпрымальнікаў Уладзіміра Асіпенкі і Мікалая Аўтуховіча падоўжанае да 28 лютага. Пра гэта "Беларускаму партызану" паведаміла дачка Асіпенкі – Людміла Асіпенка, якая атрымала на пачатку тыдня ліст ад бацькі.

28.01.2010 "Цудаў" не адбылося: прадстаўнікам апазіцыйных структур не знайшлося месца ў Віцебскай гарадской камісіі

Патрабаванне абноўленага выбарчага закона было выканана, і ў склад камісіі ўвайшлі пяць прадстаўнікоў ад партый і грамадскіх аб'яднанняў: з КПБ, воіна-афганца з грамадскага аб'яднання "Братэрства", прадстаўніка "Беларускага саюза жанчын", ветэрана і прадстаўніка БРСМ.

28.01.2010 Брэст: У гарадскую і раённую выбарчыя камісіі ўключылі прадстаўнікоў “Справядлівага свету” і КПБ

У Брэсцкую гарадскую камісію былі вылучаны 4 прадстаўнікі ад апазіцыі: Аб’яднаная грамадзянская партыя – 1 асоба, Партыя БНФ – 1 асоба, Беларуская партыя аб’яднаных левых “Справядлівы свет” – 1 асоба, БСДП(Г) – 1 асоба.

28.01.2010 Полаччына: Чыстае інфармацыйнае поле перад выбарамі забяспечана

Нерэгістрацыя “Хіміка” якраз перад выбарчай кампаніяй выглядае на спробу ўладаў захаваць за сабой інфармацыйнае поле.

28.01.2010 Заяўніка не запрасілі на паседжанне Брэсцкай гарадской выбарчай камісіі

С. Вакуленка даведаўся, што паседжанне гарадской камісіі ўжо адбылося і сябры камісіі зацверджаныя. На пытанне, чаму яго не праінфармавалі, супрацоўніца выканкаму адказала: “Дык была тут апазіцыя”.

28.01.2010 Смяротнае пакаранне ў Беларусі. 2009 год

2009 год не стаў для Беларусі вырашальным у пытанні адмены ці ўвядзення мараторыя на смяротнае пакаранне. Беларусь па-ранейшаму застаецца адзінай дзяржавай на еўрапейскім кантыненце, а таксама на постсавецкай прасторы, дзе выносяцца і прыводзяцца ў выкананне смяротныя прысуды. Разам з тым, упершыню за гады існавання незалежнай Беларусі тэма смяротнага пакарання стала прадметам шырокай дыскусіі ў краіне.

28.01.2010 Затрымалі яшчэ аднаго сябра Сяргея Каваленкі

Алег Сурган, якога вінавацяць у супраціве міліцыянтам падчас затрыманьня за вывешваньне бел-чырвона-белага сьцяну, забраны ў Кастрычніцкі РАУС Віцебску. Ня выключана, што яго завязуць ў ізалятар часовага ўтрыманьня да суду, які мусіць адбыцца 1 лютага.