Праваабарончы цэнтр «ВЯСНА»

Навіны за 17 верасьня 2008

17.09.2008 Пераслед актывістаў кампаніі “Джынс за Свабоду”

Супрацоўнікі КДБ працягваюць пераследваць моладзевых актывістаў. У апошнія дні такія факты зафіксаваныя ў Менску і ў Віцебску.

17.09.2008 Сітуацыя перад выбарамі накаляецца

Выбаркамы пачалі выносіць папярэджанні дэмакратычным кандыдатам, друкарні адмаўляюцца вырабляць іх агітацыйныя матэр’ялы, некаторыя кандыдаты з адзінага спісу АДС самі здымаюцца з выбарчай гонкі.

17.09.2008 Магілёў: вынесена папярэджанне дэмакратычнаму кандыдату ў дэпутаты Алесю Сілкову

Учора акруговая выбарчая камісія па Магілёўскай-Цэнтральнай акрузе №85 вынесла папярэджванне кандыдату ў дэпутаты Алесю Сілкову. Нагодай для такога рашэння стала, нібыта, вывешванне агітацыйнага матэрыяла не ў вызначаным месцы.

17.09.2008 Чаму я зняў сваю кандыдатуру?

Дэмакраты Гомельскай вобласці ўдзельнічаюць у выбарчай кампаніі ў розных фарматах. Адны змагаюцца за дэпутацкія мандаты, а іншыя заклікаюць выбаршчыкаў да байкоту выбараў.

17.09.2008 Барысаўская друкарня "падставіла” кандыдатаў у дэпутаты ад АГП

Барысаўская друкарня адмовіла лідэру Аб'яднанай грамадзянскай партыі і кандыдату ў дэпутаты Анатолю Лябедзька, а таксама яшчэ чацвярым сталічным кандыдатам у друкаванні іх агітацыйных матэрыялаў.

17.09.2008 Глыбокае: Паштальёны дапамагаюць праўладным кандыдатам

16 верасня жыхары Глыбокага, якія штодня заглядваюць у паштовыя скрынкі, разам са свежымі газетамі знайшлі агітацыйную ўлётку праўладнага кандыдата ў дэпутаты Уладзіміра Андрэйчанкі.

17.09.2008 Як кругі на вадзе…

Як кругі на вадзе пасьля кінутага каменя разыходзяцца па Беларусі апытаньні і допыты грамадзян у дачыненьні да выбуху ў Менску 4 ліпеня. Палітыкі, актывісты моладзевых рухаў, журналісты, вайскоўцы і хімікі… Лік сёньня йдзе на тысячы апытаных грамадзян.

17.09.2008 Улады Барысава забаранілі хрысьціянскі фэстываль

Улады Барысава забаранілі праводзіць фэстываль хрысьціянскай музыкі. Яго пачатак быў прызначаны на 17 гадзін 16 верасня, заканчэньне — на 21 верасьня. Арганізатарамі фэстывалю выступілі прадстаўнікі праваслаўнай, каталіцкай і пратэстанцкай канфэсіяў. Удзел у ім меліся прыняць каля сотні музыкаў і сьпевакоў з розных рэгіёнаў Беларусі.

17.09.2008 Акцыя Салідарнасьці завяршылася збіцьцём і разгонам

17 верасьня ўвечары на акцыю Салідарнасці са зьніклымі на Кастрычніцкую плошчу прыйшлі палітыкі, блізкія і сваякі зніклых палітыкаў і журналістаў, дэмакратычная моладзь. Сярод прысутных - Анатоль Лябедзька, Аляксандар Бухвостаў, Вінцук Вячорка, Лявон Баршчэўскі, Ігар Рынкевіч, Зінаіда Ганчар, Сяргей Калякін, Міхаіл Пашкевіч, Вольга Казуліна: усяго каля 50 чалавек. Удзельнікі акцыі трымалі у руках партрэты зьніклых палітыкаў і грамадзкіх дзеячаў (Ганчара, Захаранкі, Красоўскага, Завадзкага). Нагадаем, што дзевяць гадоў назад, 16 верасьня, у Менску бясьследна зьніклі Віктар Ганчар і Анатоль Красоўскі.

17.09.2008 У Гародні зноў дазволілі пікеты апазіцыянерам. Кандыдаты ад улады на пікеты да выбаршчыкаў не выходзяць.

У Гародні па 99 пікетаў дазволена правесці кандыдатам ад БНФ Вадзіму Саранчукову і Сяргею Антусевічу. Кандыдат ад АГП Яраслаў Раманчук запрасіў дазвол на 24 пікеты, якія таксама былі дазволеныя.

17.09.2008 Гародня. Кандыдат не можа сустрэцца з выбаршчыкамі

Кандыдат у дэпутаты па Гарадзенскай сельскай акрузе №52 Віктар Падчыненкаў не можа сустрэцца з скідзельскімі выбаршчыкамі. Па раскладзе яго сустрэча павінна была адбыцца ў Скідзельскім ліцэі ў мінулую пятніцу. Але намесніца дырэктара па ідэалагічнай рабоце, спаслаўшыся на нейкія нязручнасці, прапанавала яму перанесці сустрэчу на сераду. А ў аўторак заявіла, што дырэктар ліцэя Сяргей Клімовіч не можа на тое пайсці, спаслаўшыся на працоўны час. Таму пакой для сустрэчаў адміністрацыя можа выдзеліць, але такая сустрэча пройдзе без выбаршчыкаў.

17.09.2008 Баранавічы: Сарваныя некалькі сустрэч з выбаршчыкамі

16 верасня ў Баранавічах былі сарваныя некалькі сустрэч з выбаршчыкамі кандыдата ў дэпутаты Мікалая Чарнавуса.

17.09.2008 Барысаў: На безальтэрнатыўнай акрузе кандыдат не абцяжарвае сябе сустрэчамі з выбаршчыкамі

Пасля таго, як актывіста дэмакратычнай апазіцыі Сяргея Салаша не зарэгістравалі кандыдатам у дэпутаты па гэтай акрузе, і выбары тут будуць праходзіць на безальтэрнатыўнай аснове, Васіль Гур'янаў, мабыць, нават не лічыць патрэбным імітаваць працэс барацьбы за галасы выбаршчыкаў.

17.09.2008 Светлагорск: “Чыстка” ў кіраўніцтве мясцовай газеты

У перыяд падрыхтоўкі да выбараў у Палату прадстаўнікоў у Светлагорску зменена кіраўніцтва мясцовай газеты “Ранак-плюс”. Былы галоўны рэдактар Андрэй Ліпскі паніжаны на дзве пасады.