У Гародні зноў дазволілі пікеты апазіцыянерам. Кандыдаты ад улады на пікеты да выбаршчыкаў не выходзяць.

У Гародні па 99 пікетаў дазволена правесці кандыдатам ад БНФ Вадзіму Саранчукову і Сяргею Антусевічу. Кандыдат ад АГП Яраслаў Раманчук запрасіў дазвол на 24 пікеты, якія таксама былі дазволеныя.

Кандыдаты ад улады дзейнічаюць па-іншаму. Іх прадстаўнікі запрашаюцца на бацькоўскія сходы па школах і прапагандуюць за сваіх кандыдатаў. Часамі даходзіць да абсурду. Так, па звестках, дадзеных Сяргеем Антусевічам, які балатуецца па Гарадзенскай цэнтральнай акрузе № 50, дырэктар сярэдняй школы № 11 Віктар Капусцін, тым вучням, чые бацькі не змаглі прыйсці на бацькоўскі сход у школу раздаў праз настаўнікаў агітацыйныя ўлёткі за яго канкурэнта, дзеючага на сёння дэпутата Сяргея Маскевіча.

“Правабаронцы за свабодныя выбары”