Праваабарончы цэнтр «ВЯСНА»

Навіны за Верасень 2007

26.09.2007 Актывістам у Барані адмовілі ў правядзеньні пікету

Мясцовыя ўлады Барані (Аршанскі раён) адмовілі ў правядзеньні пікету, прымеркаванага да Сацыяльнага маршу.

26.09.2007 Наваполацак: за спробу адклікаць дэпутатаў — буйныя штрафы

Учора, пасьля чатырохгадзіннага разбору наваполацкі суд вынес пастанову ў справе грамадзкіх актывістаў, якія спрабавалі пачаць кампанію адкліканьня дэпутатаў.

26.09.2007 Віктара Івашкевіча будуць судзіць за ўлёткі да Эўрапейскага маршу

Сёньня ў судзе Першамайскага раёну Менску будуць судзіць старшыню аргкамітэту Эўрапейскага маршу, які заплянаваны на 14 кастрычніка, Віктара Івашкевіча. Яго абвінавачваюць у закліку ўдзельнічаць у несанкцыянаванай акцыі. Івашкевіча затрымалі ўчора на ганку кавярні “Эль-Памідора” разам са старшынём аргкамітэту Сацыяльнага маршу Валерыем Ухналёвым. Яны разам з чатырма сябрамі адзначалі дзень народзінаў Івашкевіча. На ганку іх чакалі спэцназаўцы.

25.09.2007 Партыі пад пагрозай ліквідацыі

Месяц таму Міністэрства юстыцыі вынесла пісьмовыя папярэджаньні шасьці партыям – Партыі БНФ, Беларускай партыі “Зялёныя”, Беларускай сацыял-дэмакратычнай Грамадзе, а таксама Беларускай сацыяльна-спартовай партыі, Сацыял-дэмакратычнай партыі народнай згоды і Рэспубліканскай партыі. Чыноўнікі выклалі свае прэтэнзіі да іх і прыгразілі прыпыніць дзейнасьць альбо зьліквідаваць у судовым парадку, калі даведзеныя патрабаваньні ня будуць выкананыя.

25.09.2007 Увага, конкурс!

Моладзевы сайт www.uff-by.org працягвае фотаконкурс “Пырскі лета-2007?!

25.09.2007 26 верасьня працяг судовага паседжаньня ў справе ліквідацыі Менскага гарадзкога грамадзкага аб’яднаньня "Цэнтр Супольнасьць"

25 верасьня ў Менскім гарадзкім судзе пачаўся разгляд іску гарадзкога ўпраўленьня юстыцыі, якое патрабуе прыняць рашэньне аб ліквідацыі неўрадавай дэмакратычнай арганізацыі Менскае гарадзкое аб'яднаньне "Цэнтр Супольнасьць". Працэс вядзе судзьдзя Рымашэўская, "Цэнтр "Супольнасьць " прадстаўляюць юрысты Юры Чавусаў і Вольга Смалянка.

25.09.2007 Першыя матэрыялы па рэгуляваньні дзейнасьці інтэрнэт СМІ будуць падрыхтаваныя ў кастрычніку

Міжведамасная рэспубліканская рабочая група па вывучэнню вопыту краін СНД і Еўропы ў пытанні прававога рэгулявання дзейнасці інтэрнэт СМІ прадставіць першыя матэрыялы да сярэдзіны кастрычніка. Аб гэтым карэспандэнту БЕЛТА паведаміў намеснік міністра інфармацыі Рэспублікі Беларусь Аляксандр Слабадчук.

25.09.2007 Крымінальная справа супраць Дашкевіча была заведзеная яшчэ 14 жніўня

Адвакат палітвязьня Зьмітра Дашкевіча Аляксандар Галіеў даведаўся, што новую крымінальную справу супраць ягонага падабароннага завялі яшчэ 14 жніўня. Аляксандар Галіеў паведаміў, што месяц таму тэлефанаваў сьледчаму, і той запэўніваў яго, што ніякая крымінальная справа не была распачатая.

25.09.2007 Баранавічы: працягваюцца суды над моладзевымі актывістамі

Сёньня ў Баранавічах адбыліся яшчэ два суды над актывістамі, што падтрымалі Яраслава Грышчэню 10 верасьня. Судзілі Івана Шылу з Салігорску і Ўладзімера Ўсьціновіча зь мястэчка Асьвея Верхнядзьвінскага раёну.

25.09.2007 У Наваполацку судзяць за парушэньне парадку адкліканьня дэпутатаў

Сёньня Наваполацкі гарадзкі суд пачаў разглядаць адміністрацыйную справу аб парушэньні Выбарчага кодэксу. У ёй фігуруюць тры грамадзкія актывісты — Валер Шаўчэнка, Ігар Сухарукаў і Антон Ясіновіч.

25.09.2007 Апазіцыя настойвае на перамовах з Наталляй Пяткевіч

З просьбай аб аўдыенцыі да намесніцы кіраўніка Адміністрацыі прэзідэнта Наталлі Пяткевіч 19 верасня звярнулася перамоўная група па правядзенні Еўрапейскага Марша.

25.09.2007 Новая крымінальная справа супраць Дашкевіча

Палітвязень Зміцер Дашкевіч паведаміў у пісьме, што следчыя КДБ завялі супраць яго новую крымінальную справу. Цяпер яго вінавацяць паводле арт. 402 — за адмову даваць паказанні. Зміцер Дашкевіч, адзін з лідэраў незарэгістраванай арганізацыі “Малады фронт”, прыхільнік Руху “За Свабоду”, адбывае ў Шклоўскай турме паўтара года за ўдзел у незарэгістраванай арганізацыі. Яго не раз дапытвалі па крымінальных справах некаторых юнакоў, якіх абвінавачвалі ў прыналежнасці да “Маладога фронту”. Дашкевіч адмаўляецца даваць паказанні супраць сваіх сяброў.

24.09.2007 Улады працягваюць ціск на вернікаў-пратэстантаў

Жодзінскія ўлады забараняюць вернікам-пратэстантам праводзіць богаслужэньні. Фармальнай прычынай паслужыла тое, што ў 23 лютага па невядомай прычыне ў будынку царквы адбыўся пажар, і зараз яна аднаўляецца, таму богаслужэньні праводзяцца побач у вялікім намёце.

24.09.2007 Адміністратыўная справа супраць актывісткі Моладзі БНФ Аляксандры Клімовіч адпраўленая на дапрацоўку

Падчас разгляду справы быў зачытаны пратакол, які складаўся івацэвіцкімі міліцыянтамі, заслуханы паказаньні сьведкаў з боку абароны, выказаў сваю пазыцыю адвакат. Ніхто з міліцыянтаў, якія складалі пратакол, на суд не прыехаў і судзьдзя ўбачыўшы ў ім памылкі, адправіла пратакол на дапрацоўку.

24.09.2007 Лідэры Партыі БНФ і дзячы культуры накіравалі адкрыты ліст на імя прэм'ер-міністра Беларусі Сяргея Сідорскага і старшыні менгарвыканкаму Міхаіла Паўлава з прапановай ушанаваць памяць Вялікага князя Альгерда і юбілей вялікай перамогі ў бітве на Сініх Водах.

Ініцыятары прапануюць перайменаваць вуліцу і плошчу Мясьнікова у імя Альгерда. У кастрычніку Партыя БНФ выступіць з пакетам прапановаў па перайменаваньні вуліцаў цэнтру Менску.