Навіны на тэму: смяротнае пакаранне
09.12.2011 Сумесная прэс-канферэнцыя Amnesty International і кампаніі “Праваабаронцы супраць сьмяротнага пакараньня”
Прадстаўнікі Amnesty International і кампаніі “Праваабаронцы супраць смяротнага пакараньня” 9 сьнежня ў Менску правядуць прэс-канферэнцыю, прысвечаную сумесным дзеяньням грамадзянскай і праваабарончай супольнасці па адмене альбо ўвядзеньні мараторыя на сьмяротнае пакараньне ў Беларусі.
09.12.2011 Віцебская газета “Народнае слова” спрабуе ўплываць на землякоў Канавалава і Кавалёва
Каб пераканаць нязгодных са смяротным прысудам Дзмітрыю Канавалаву і Уладзіславу Кавалёву, абласная газета перадрукавала ананімны артыкул з сайта predateli.com -- вядомага ў інтэрнэт-прасторы распаўсюдніка паклёпніцкіх матэрыялаў. Пры гэтым ананімны артыкул з інтэрнэту займеў “аўтара”.
08.12.2011 Польскія праваабаронцы просяць Лукашэнку памілаваць Канавалава і Кавалёва
З адпаведнай заявай да беларускага кіраўніка звярнуўся Хельсінскі фонд правоў чалавека і група “Гарызонт — супраць смяротнага пакарання”, паведамляе "Еўрарадыё".
08.12.2011 Беларускія вернікі супраць смерці Канавалава і Кавалёва
Каля двух дзясяткаў вернікаў, якія праводзяць штодзённыя малітвы ля Чырвонага касьцёла, звярнуліся да Аляксандра Лукашэнкі з нагоды вынясення смяротнага пакарання Канавалаву і Кавалёву і галадоўкі Святланы Чорнай.
07.12.2011 30 тысяч іспанцаў выступілі супраць смяротнага пакарання ў Беларусі
Яны патрабуюць адмяніць смяротнае пакаранне Канавалаву і Кавалёву і пачаць новае расследаванне.
06.12.2011 Пацыент Багушэўскага “сухотнага” шпіталю гатовы пайсці на смерць замест “віцебскіх тэрарыстаў”
Свой зварот інвалід другой групы Валер Ганчарэнка накіраваў і да Аляксандра Лукашэнкі. У ім спадар Ганчарэнка разважае пра тое, што мае смяротную хваробу, і таму не шкадуе свайго жыцця і гатовы, каб яго расстралялі замест асуджаных за тэрарызм, бо не верыць у справядлівасць прысуду.
06.12.2011 Шматдзетная маці ў цэнтры Мінску пратэставала супраць смяротнай кары
Своеасаблівы перфоманс зладзіла шматдзетная маці Таццяна Гацура разам з двума сваімі сынамі.
06.12.2011 Праваабаронцы просяць кіраўніка Вярхоўнага суда Беларусі ўнесці пратэст на рашэнне аб смяротнай кары Канавалава і Кавалёва
Праваабаронцы просяць старшыню Вярхоўнага суда (ВС) Беларусі Валянціна Сукалу ўнесці пратэст на рашэнне суда аб прымяненні выключнай меры пакарання (смяротнай кары) у дачыненні да Дзмітрыя Канавалава і Уладзіслава Кавалёва.
02.12.2011 Зянон Пазняк пра смяротнае пакаранне
"У падрэжымнай Беларусі захоўваецца клясычная праўная сыстэма справядлівасьці ў дачыненьні да забойства і сымэтрычны прынцып адплаты, нягледзячы на тое, што рэжымная судовая сыстэма практычна поўнасьцю страціла сваю самастойнасьць і ператварылася ў рэпрэсіўную машыну ў руках узурпатара ўлады".
02.12.2011 Паэт Строцаў просіць расстраляць яго разам з Кавалёвым і Канавалавым
Паэт і выдавец Дзмітрый Строцаў звярнуўся з адкрытым лістом да Аляксандра Лукашэнкі ў сувязі з вынясеннем смяротнага прысуду абвінавачаным у выбуху ў мінскім метро.
01.12.2011 У Латвіі адменена сьмяротнае пакараньне
Сэйм Латвіі ў чацьвер прыняў у трэцім і канчатковым чытаньні папраўкі да законаў, якія адмяняюць ў краіне сьмяротнае пакараньне.
01.12.2011 “Міжнародная амністыя” асудзіла сьмяротны вырак Канавалаву і Кавалёву
“Міжнародная амністыя” выступіла з асуджэньнем сьмяротнага выраку, вынесенага 30 лістапада Дзьмітрыю Канавалаву і Уладзіславу Кавалёву па крымінальнай справе аб красавіцкім тэракце ў Менску.
01.12.2011 Любоў Кавалёва просіць увесьці мараторый на сьмяротнае пакараньне
Сёньня апоўдні Любоў Кавалёва, маці асуджанага да растрэлу Уладзіслава Кавалёва аднясе ў Адміністрацыю прэзідэнта ліст, адрасаваны Аляксандру Лукашэнку.
01.12.2011 Кэтрын Эштан выказала шкадаванне з нагоды прысуду ў Мінску
«Вярхоўны прадстаўнік ЕС Кэтрын Эштан шкадуе, што Вярхоўны суд Беларусі прысудзіў ў сераду Канавалава і Кавалёва да смяротнага пакарання і выказвае спадзяванне, што іх права на абскарджанне прысуду можа быць цалкам рэалізаванае, — такую заяву зрабіла Мая Качыянчыч, прэс-сакратарка Вярхоўнага прадстаўніка ЕС у справах знешняй палітыкі Кэтрын Эштан.
01.12.2011 "Ёсьць прыкметы крымінальнага злачынства — заведама неправасуднага рашэньня"
30 лістапада першы намесьнік старшыні Вярхоўнага суду Беларусі Аляксандар Федарцоў прыгаварыў да сьмяротнага пакараньня Дзьмітрыя Канавалава і Ўладзіслава Кавалёва. Іх прызналі вінаватымі ў шэрагу выбухаў, у тым ліку ў выбуху на станцыі мэтро «Кастрычніцкая» ў Менску сёлета 11 красавіка. Тады загінула 15 чалавек, больш за 200 былі параненыя. Сваімі ўражаньнямі ад працэсу і ад сёньняшняга выраку з Радыё Свабода падзяліўся падпалкоўнік КДБ у адстаўцы Валер Костка.