У Кіеве адбыўся круглы стол па правах дзяцей-сірот з удзелам беларускіх праваабаронцаў
Украінскія і беларускія праваабаронцы працягваюць кампанію па рэалізацыі правоў дзяцей-сірот
11 кастрычніка ў Кіеве адбыўся круглы стол па пытаннях рэалізацыі правоў дзяцей-сірот, дзяцей, пазбаўленых апекі бацькоў і асобаў з іх ліку на жыллё. Круглы стол быў арганізаваны Грамадскім саюзам "Альянс па абароне правоў дзяцей" (Адэса, Украіна) і Праваабарончым цэнтрам “Вясна” у межах сумеснай адвакацыйнай кампаніі.
Акрамя гэтых арганізацый на круглым стале прысутнічалі прадстаўнікі Міністэрства сацыяльнай палітыкі Украіны, Кіеўскай дзяржаўнай адміністрацыі, а таксама прадстаўнікі іншых украінскіх грамадскіх арганізацый, такіх як "Вока справядлівасці" (Мікалаеў), "МАРТ" (Чарнігаў), “Харкаўскі альянс па абароне правоў дзяцей”.
У межах мерапрыемства прынятая Рэзалюцыя круглага стала, у якой утрымліваюцца рэкамендацыі па стварэнні Украінскай дзяржаўнай нацыянальнай праграмы па забеспячэнню дзяцей-сірот жыллём, а таксама па стварэнні працоўнай групы дзеля распрацоўкі дадзенай праграмы пры Міністэрстве сацыяльнай палітыкі Украіны.
Згодна з дзеючым украінскім заканадаўствам, дзяржава павінна на бясплатнай аснове даць сіротам жыллё, але ў рэальнасці, па дасягненню 23 гадоў, яны фактычна трапляюць на вуліцу. На дадзены момант ва Украіне колькасць дзяцей-сірот і дзяцей, пазбаўленых бацькоўскай апекі, асоб з іх ліку, якія патрабуюць забеспячэння жыллём скаладае 23 667 асоб (32,3% ад агульнай колькасці дзяцей-сірот, дзяцей пазбаўленых бацькоўскай апекі і асоб з іх ліку).
