Баранавічы: пададзена заява на правядзенне пікета з нагоды прыняцця Дэкларацыі аб дзяржаўным суверэнітэце Беларусі
Баранавіцкія грамадскія актывісты і прадстаўнікі палітычных партый Рыгор Грык, Вячаслаў Болбат і Сяргей Гоўша 1 ліпеня падалі заяву ў гарвыканкам на правядзенне пікета з нагоды 24-х угодкаў прыняцця Дэкларацыі аб дзяржаўным суверэнітэце Беларусі. У заяве ўказваеццаа, што 27 ліпеня 1990 года Вярхоўны Савет прыняў Дэкларацыю аб дзяржаўным суверэнітэце БССР, але сёння мала ўзгадваецца гэта падзея, і заяўнікі хочуць нагадаць жыхарам горада Баранавічы аб асноўных ідэях гэтай Дэкларацыі.
Запланавана, што ў пікеце возьмуць удзел каля 10 чалавек, і адбудзецца ён у старым парку горада па вуліцы Камсамольскай.
Да заявы прыкладзены пісьмовыя абавязацельствы Рыгора Грыка, Вячаслава Болбата і Сяргея Гоўшы, а таксама копіі заяў ў ЖКГ, гарадскую паліклініку і ГАУС.
