Камісія па справах непаўнагадовых Кастрычніцкага раёна Магілёва перанесла на 11 чэрвеня разгляд справы мясцовай актывісткі Крысціны Шацікавай

Па звестках БелаПАН, Крысьціна Шацікава лічыць, што ў яе хочуць адабраць двух сыноў, якіх яна выхоўвае адна. 5 чэрвеня яе азнаёмілі з прэзідэнцкім дэкрэтам № 18, паводле якога дзяцей забіраюць у нядбайных бацькоў без судовага рашэння.

Нагадаем, у красавіку гэтая ж адміністрацыйная камісія не знайшла ў справе Шацікавай падставы для разгляду і накіравала яе на дапрацоўку.