Пасля адмены інстытута прапіскі ў Беларусі будзе больш жорсткае пакараньне за парушэньне правілаў пражываньня без рэгістрацыі

Прэзідэнт разглядае праект дакументаў, датычных адмены інстытута прапіскі ў Беларусі. Пра гэта са спасылкай на начальніка Упраўленьня па грамадзянству і міграцыі ГУЎС Мінгарвыканкама Мікалая Шэўчыка, перадае БелаПАН.

Па словах спадара Шэўчыка, замест прапіскі ў пашпарце "будзе ставіцца адзнака аб месцы жыхарства".

Начальнік упраўленьня адзначыў, што "пасьля адмены інстытута прапіскі ў Беларусі будзе больш жорсткае пакараньне за парушэньне правілаў пражываньня без рэгістрацыі". Паводле праекту, рэгістрацыя аднаго чалавека можа праводзіцца на 15-ці метрах агульнай плошчы кватэры.