Арганізатара “Славянскага марша” Дзмітрыя Дзенісенку пакаралі штрафам
"Славянскі марш" у Магілёве.
Па рашэнню суда Ленінскага раёна Магілёва ён мусіць заплаціць дзяржаве тры мільёны рублёў.
Такое рашэнне было прынята сёння, 16 студзеня, суддзёй Тацянай Рубіс. Яна прызнала Дзмітрыя Дзенісенку вінаватым у парушэнні Закону “Аб масавых мерапрыемствах”. Нагодай для пакарання стала тое, штоўдзельнікі мерапрыемства хавалі свае твары за маскамі, што забаронена законам.
У судзе Дзмітрый Дзенісенка сваёй віны не прызнаў і рашэнне назваў палітычна матываваным.
Нагадаем, што 25 лістапада ў Магілёве адбыўся “Славянскі марш”. Мерапрыемства было дазволена мясцовымі ўладамі. У “маршы” прыняла ўдзел каля 40 чалавек. Падчас руху калоны ўдзельнікі выкрыквалі лозунгі “Рускіе вперёд!”, “Слава Росіі!”, “Слава Белой Русі!”
Ужо пасля “Славянскага маршу” міліцыя выявіла парушэнні ў правядзенні мерапрыемства і завяла на арганізатара “марша” адміністрацыйную справу.
