Адміністратыўную справу Анатоля Лябедзькі направілі на дапрацоўку - асудзіць лідэра АГП не ўдалося

Сёньня ў судзе Цэнтральнага раёну сталіцы судзьдзя Бычко Аляксей разглядаў адміністратыўную справу, складзеную на кіраўніка Аб'яднанай грамадзянскай партыі Анатоля Лябедзьку, затрыманага падчас разгону мірнай акцыі салідарнасьці з Аляксандрам Казуліным і іншымі палітзьняволенымі, якая праходзіла 10 сьнежня ў Міжнародны дзень правоў чалавека.

Напачатку судовага працэсу палітык заявіў хадайніцтва аб адводзе судзьдзі, аднак яно не было задаволенае. У выніку разгляду справы сьведкі з боку абвінавачваньня давалі блытаныя сьведчаньні, пры гэтым сьведкамі былі зусім не тыя міліцыянты, якія затрымлівалі Анатоля Лябедзьку. Палітык патрабаваў, каб прагледзелі відэастужку з месца падзеяў, якую меў з сабой. Судзьдзя Бычко, нават не заслухаўшы сьведкаў з боку абвінавачанага, накіраваў справу на дапрацоўку, відаць, зразумеўшы, што засудзіць лідэра АГП, як напярэдадні моладафронтаўскіх актывістаў, не атрымаецца.