Пракуратура патрабуе ўзмоцніць пакаранне Васілю Парфянкову
24 ліпеня Мінскі гарадскі суд павінен разгледзець касацыйную скаргу актывіста.
У маі былы ўдзельнік Плошчы і сябра перадвыбарчага штаба Някляева быў асуджаны на шэсць месяцаў арышту за нібыта парушэнне ўмоў прэвентыўнага нагляду.
Нягледзячы на турэмны тэрмін, тады Парфянкова не арыштавалі, а пакінулі на волі да наступнага разгляду справы. Аднак ён можа скончыцца для актывіста яшчэ горш, чым вырак суддзі Андрэя Бандарэнкі.
- Пракурор падаў пратэст з-за мяккасці выраку, гэта азначае, што пракуратуры падаецца, што мне далі занадта мягка, але я прашу яго ўвогуле адмяніць.
Васіль Парфянкоў з’яўляецца актывістам беларускага дэмакратычнага руху з 2000-га года. У 2001-м разам з Партыяй Свабоды хлопец абараняў Курапаты, а 19 снежня 2010-га быў асуджаны на чатыры гады калоніі, адкуль выйшаў разам з іншымі па загадзе Аляксандра Лукашэнкі аб памілаванні.
Пасля гэтага міліцыя працягвала пераслед актывіста і завяла новую крымінальную справу.
