На Магілёўшчыне “Белая Русь” вядзе падрыхтоўку да выбараў
У Магілёўскай вобласці праходзяць справаздачна-выбарчыя сходы раённых арганізацый ГА “Белая Русь”. Практычна на ўсіх адбыўшыхся канферэнцыях у шэрагу іншых разглядалася пытанне аб падрыхтоўцы да ўдзелу ў выбарах дэпутатаў Палаты прадстаўнікоў.
У прыватнасці, напрыканцы траўня – пачатку чэрвеня такія справаздачна-выбарчыя канферэныі адбыліся ў Шклоўскім, Дрыбінскім, Касцюковіцкім і шэрагу іншых раёнаў вобласці. Прадстаўнікі кіраўніцтва “Белай Русі” і райвыканамаўскія чыноўнікі, якія ўдзельнічалі ў сходах, адзначалі, што “основным вопросом на этот год является активное участие в подготовке и проведении выборов в Палату представителей Национального Собрания Республики Беларусь”. Плануецца, што члены “Белай Русі” будуць шырока вылучацца ў склад выбарчых камісій рознага ўзроўню, а таксама ажыццяўляць назіранне.
Па словах старшыні Дрыбінскай раённай арганізацыі ГА “Белая Русь” Уладзіміра Крывіцкага, «Белая Русь», в рядах которой уже более 130 тысяч граждан, стала мощной мобилизующей силой для людей разных возрастов и профессий. То есть, на сегодня «Белая Русь» одна из самых серьезных структур гражданского общества, которая может мобилизовать людей на решение сложных задач государственного строительства, консолидировать инициативы. Мы выступаем за сильную и процветающую Беларусь, и в стране, к счастью, очень много людей, которые хотят внести свой вклад в развитие государства, участвуя в общественных делах».
Між тым на Магілёўшчыне ні для кога не з’яўляецца сакрэтам, што аснову раённых арганізацый “Белай Русі” складаюць супрацоўнікі аддзелаў адукацыі райвыканкамаў і іншых бюджэтных устаноў, а таксама чыноўнікі розных рангаў. Многія з гэтых людзей уступілі ў арганізацыю па прымусу ці па “разнарадцы”.
