Моладзь затрымалі пад час сустрэчы з прафесарам

Каля стадыёна «Трактар» у Менску 27 траўня супрацоўнікі міліцыі затрымалі групу моладзі, якая сустракалася з доктарам тэхнічных навук, спецыялістам па праблемах атамнай энергетыкі Георгіем Лепіным.

Дваццаць адзін чалавек патрапіў ў Маскоўскі РУУС. Да некаторых ужывалі фізічны гвалт, пагражалі скласці пратаколы і пасадзіць “на суткі”.

Стала вядома, што ўсіх пасьля працэдуры дактыласкапіі адпусцілі.