У Менску праходзяць суды над затрыманымі ўчора маладафронтаўцамі
Суд Фрунзенскага раёну Менска
У судзе Фрунзенскага раёну Менску сёння будуць разглядацца адміністратыўныя справы затрыманых учора актывістаў “Маладога фронту” Уладзімера Яроменка і Паўла Сяргея.
На Уладзімера Яроменка склалі пратакол па артыкуле 17.1 КаАП РБ (“Дробнае хуліганства”). Ягоную справу разглядае суддзя Людміла Лапо. Разгляд справы адкладзены да 14 гадзінаў. Справу Паўла Сяргея будзе разглядаць суддзя Наталля Каробіна.
З суда выдалілі журналістку, якая спрабавала ўзяць інтэрв’ю ва Ўладзімера Яроменка.
Маладафронтаўцаў затрымалі ўчора ва ўласнай кватэры і адвезлі спачатку ў Фрунзенскі РАУС Менску, а пасля – у Цэнтр ізаляцыі правапарушальнікаў на Акрэсціна.
15-20. Уладзімера Яроменка асудзілі на 7 сутак арышту.
Паўлу Сяргею прысудзілі 5 сутак арышту.
