Гарадзенскія праваабаронцы будуць пікетаваць супраць катаванняў

Сёння, 15-га лютага, у Гародні рэгіянальныя праваабаронцы з розных арганізацый правялі сумесную працоўную нараду. Праваабаронцы абмеркавалі сітуацыю з правамі чалавека, якая склалася ў рэгіёне і краіне, вызначылі накірункі сумеснай дзейнасці. Асаблівую занепакоенасць у праваабаронцаў выклікалі агучаныя ў прэсе і на старонках інтэрнэту факты жудасных умоў утрымання вязняў у беларускіх месцах пазбаўлення волі.

Гарадзенскія праваабаронцы палічылі сваім абавязкам падаць заяўку ў Гарадзенскі гарвыканкам, каб правесці пікет супраць катаванняў за кратамі, каб прыцягнуць увагу насельніцтва рэгіёну да гэтай праблемы. Заяўку вырашана падаць ужо на гэтым тыдні.