Незалежны прафсаюз РЭП плануе правесьці акцыі супраць адмовы ў рэгістрацыі рэгіянальных структураў

Беларускі прафсаюз працаўнікоў радыёэлектроннай прамысловасці, нягледзячы на супрацьдзеянні ўладаў, правядзе акцыі пратэсту ва ўсіх гарадах краіны, дзе адмаўляюцца рэгістраваць структуры арганізацыі. Першы пікет на падтрымку першаснай арганізацыі Мінскага аўтамабільнага заводу, якая ўжо два гады не можа дабіцца дазволу чыноўнікаў Савецкага раёну беларускай сталіцы на легальную дзейнасць, адбыўся 12 ліпеня на плошчы Бангалор. Паводле старшыні прафзвязу РЭП Генадзя Фядыніча, наступны пікет пройдзе ў Магілеве 25 ліпеня, затым акцыі адбудуцца ў Гародні і Гомелі. Праблемы рэгістрацыі першасных арганізацыяў прафсаюзу РЭП існуюць таксама ў Магілёве і Барысаве.