Віктара Сырыцу будуць судзіць за Народны сход

На старшыню Баранавіцкай гарадской суполкі Руху “За свабоду” Віктара Сырыцу 4 лістапада намеснік начальніка аддзела аховы грамадскай бяспекі і прафілактыкі маёр Павал Кульгавік склаў пратакол аб адміністрацыйным правапарушэнні. Грамадскі актывіст абвінавачваецца ў здзяйсненні правапарушэння па артыкуле 23.34 КаАП -- за арганізацыю і ўдзел у Народным сходзе 8 кастрычніка ў старым парку горада. Сакратару Народнага сходу Віктару Сырыцу адразу ўручылі не толькі копію пратакола аб адміністрацыйным правапарушэнні, але і позву ў суд 10 лістапада а 12 гадзіне.

Віктар Сырыца ўпэўнены ў тым, што яго будуць судзіць, каб запалохаць іншых грамадскіх актывістаў і папярэдзіць ягоны ўдзел у наступным Народным сходзе.