Адбыўся марафонскі забег Уладзіміра Малея ў абарону Алеся Бяляцкага
Уладзімір Малей падчас 28-га Міжнароднага марафонскага забегу
Юрыст-праваабаронца Уладзімір Малей прыняў удзел у 28-ым Міжнародным марафонскім забегу на 10 кіламетраў падчас “Дажынак” у Маларыце 8 кастрычніка. Актывіст быў апрануты ў чорную майку з выявай арыштаванага кіраўніка рэспубліканскага праваабарончага цэнтра “Вясна” Алеся Бяляцкага і надпісам “Свабоду Алесю Бяляцкаму”.
У такую ж майку быў апрануты і другі бягун - Васіль Матусевіч, які пераадолеў марафонскую дыстанцыю ў 42 кіламетры за 4 гадзіны.
Такім чынам грамадскія актывісты хацелі прыцягнуць увагу насельніцтва да праблемы палітзняволеных у Беларусі, сярод якіх і Алесь Бяляцкі, якога неабходна вызваліць з-пад варты.
У марафоне прынялі ўдзел бегуны з Украіны і розных куткоў Беларусі.
За мерапрыемтсвам сачыла шмат міліцыі, вялася відэаздымка.
