Мазырскаму праваабаронцу не даюць правесці пікет у падтрымку Алеся Бяляцкага

2011 2011-09-09T11:11:20+0300 1970-01-01T03:00:00+0300 be https://spring96.org/files/images/sources/cieliapunua.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Мазырскі праваабаронца Уладзімір Целяпун

Мазырскі праваабаронца Уладзімір Целяпун

Праваабаронца з Мазыра Уладзімір Целяпун 6 верасня атрымаў адмову на свой паўторны зварот у райвыканкам аб дазволе на правядзенне пікета у падтрымку Алеся Бяляцкага.

У адказе, падпісаным намеснікам старшыні Мазырскага райвыканкаму Феліксам Галюком, цьвердзіцца, што “кіраўнік мясцовага выканаўчага і распарадчага органа альбо намесьнік мае права па ўзгадненні з арганізатарамі масавага мерапрыемства змяніць дату, месца і час яго правядзення, але не абавязаны, у сувязі з чым прапаноўваем Вам самастойна вызначыць дату, час і месца правядзення масавага мерапрыемства (пікетавання) для далейшага разгляду”.

Пры гэтым у сваім адказе чыноўнік прыігнараваў заяўленае праваабаронцам патрабаванне прадаставіць рашэнне райвыканкаму аб парадку аплаты расходаў на правядзенне пікетавання, а таксама схему месца пікетавання на стадыёне “Спартак”.

У сувязі з адмовай Уладзімір Целяпун накіраваў скаргі ў пракуратуру Мазырскага раёна і старшыні Гомельскага  аблвыканкама Ўладзіміру Дворніку. У выпадку адмовы па дадзеных скаргах праваабаронца будзе зьвяртацца ў суд.

У далучаных файлах можна азнаёміцца з тэкстамі заявы Уладзіміра Целяпуна і адказу з Мазырскага райвыканкама.

Файлы

Апошнія навіны

Партнёрства

Сяброўства