Дзмітрыя Няфёдава будуць судзіць за брыдкаслоўе

У судзе Заводскага раёна Менска сёньня адбудзецца разгляд адміністратыўнай справы актывіста “Руху наперад” Дзмітрыя Няфёдава. Яго вiнавацяць у тым, што нiбыта ён лаяўся матам пры вобшуку.

Нагадаем, 3 чэрвеня на кватэры актывіста Дзмітрыя Няфёдава ў Менску супрацоўнікамі міліцыі на чале са следчым Хаменкам быў праведзены вобшук, а перад тым ён быў дапытаны па справе падпалу Дома правасуддзя. Увечары знаёмыя Дзмітрыя даведаліся, што ён знаходзіцца ў КДБ, а потым перавезены ў РУУС Заводскага раёну. Выходныя актывіст правёў у ІЧУ на Акрэсціна.