Актывіст гродзенскага штаба Мілінкевіча Віктар Сазонаў арыштаваны на 7 сутак і абвясьціў галадоўку.

Актывістаў штаба Мілінкевіча Віктара Сазонава і Сяргея Мальчыка затрымалі 14 сакавіка і даставілі ў Ленінскі РАУС, пратакол быў складзены аб дробным хуліганстве - за нецэнзурную лаянку. 15 сакавіка Ленінскі раённы суд Горадні вынес рашэньне пра арышт В. Сазонава. Пры гэтым у суд, дзе адбываўся працэс не пускалі сяброў і родных. На дзьвярах вісела абвестка "уваход толькі па павестках".