Салігорск: Назіральнік-ідэолаг курыраваў дастаўку бюлетэняў з участка

Жана Карпец, сакратар намесніка старшыні Салігорскага выканкама па ідэалагічнай працы, прысутнічалана ў дзень выбараў на ўчастку №13 у якасці назіральніка. Пасля падвядзення вынікаў выбараў яна ж дастаўляла ў суправаджэнні сябраў камісіі бюлетэні выбаршчыкаў у выканкам. Яе пабачылі прадстаўнікі штаба незалежнага кандыдата Аляксея Валабуева каля будынка выканкама.

Запомнілася ідэалагічная супрацоўніца больш за ўсё незалежным назіральнікам настойлівымі і сумеснымі са старшынёй камісіі патрабаваннямі пакінуць раён участка для галасавання пасля яго закрыцця.

Улічваючы месца працы Жаны Карпец, яе ўмяшальніцтва ў выбарчы працэс наўрад ці будзе кфаліфікавана як парушэнне.

“Праваабаронцы за свабодныя выбары”, Салігорск