Менск:Вынікі раздзельнага падліку галасоў не абвяшчаюцца

Паводле назіральнікаў ад Партыі БНФ Антона Койпіша і Аляксея Хадыкі, на 73-м выбарчым участку 43-й акругі ў Савецкім раёне Менску камісія не лічыла і не агучвала колькасць пагашаных бюлетэняў і колькасць тых, хто ўзяў удзел у галасаванні. Старшыня ўчастковай камісіі Мікалай Чэрнік катэгарычна адмовіўся абвяшчаць вынікі раздзельнага падліку галасоў: асобна датэрміновага  галасавання, галасавання на даму і ў дзень асноўнага галасавання. Пасля гэтага ён на вачах назіральнікаў занатаваў пад тэлефонную дыктоўку лічбы і працэнты.

“Праваабаронцы за свабодныя выбары”