Магілёў: Кандыдат у дзень выбараў атрымаў позву ў КДБ

Сёння, 25 красавіка, кандыдат у дэпутаты ў гарадскі Савет па Крупскай выбарчай акрузе №7 і адначасова лідэр магілёўскага аргкамітэта БСДП (Народная Грамада) Аляксандр Ірхо атрымаў па пошце позву явіцца 25 красавіка ў Магілёўскі аддзел КДБ. Аляксандр Ірхо адзначае, што ў позве не пазначана, у якасці каго яго выклікаюць.

Не выключаана, што выклік у КДБ звязаны з тым, што Аляксандр не з’явіўся па позве ў падаткавую інспекцыю, куды яго выклікалі напярэдадні. Нагадаем, што 23 красавіка пры выхадзе з пад’езда свайго дома Аляксандру Ірхо была ўручана позва з рук супрацоўнікаў падаткавай інспекцыі, але за атрыманне яе ён не распісаўся.

 “Праваабаронцы за свабодныя выбары”