Віншуем Івана Шылу з паспяховай здачай іспыту!
фота Нашай Нівы
Іван, віншуем цябе з гэтай перамогай! Няхай і надалей жыццё цябе песціць прыемнымі момантамі, бо, без сумневаў, ты гэта заслужыў! Спадзяемся, што наведвальнікі spring96.org з задавальненнем далучаюцца да віншаванняў!
Іван Шыла, моладзевы лідар з Салігорску, 9 чэрвеня на 9 балаў здаў іспыт па англійскай мове за курс сярэдняй школы. Гэта дазваляе яму атрымаць атэстат пра сярэднюю адукацыю.
Нагадаем, што летась Івана выключылі з Салігорскай сярэдняй школы №4, пазбавіўшы магчымасці здаць апошні іспыт. Праз паўгады юнака прымусова забралі ў войска. Ён служыць у войсках супрацьпаветранай абароны пад Лепелем.
Доўгі час Іван дамагаўся магчымасці даздаць іспыт. На гэтым шляху яму чыніліся перашкоды. І толькі пасля асабістага звароту да міністра абароны Мальцава Іван такую магчымасць прадаставілі.
