Гарадзенскіх актывістаў АГП запалохвае КДБ?

   Як паведамілі гарадзенскія актывісты Аб’яднанай Грамадзянскай Партыі Віктар Падчыненкаў і Уладзімір Ларын сёньня, 13 лістапада, да іх тэлефанавалі невядомыя і “запрашалі” на сустрэчу ў мясцовае упраўленне КДБ. Сябры партыі АГП на гэта адказалі, што без адпаведна аформленай і прынесенай афіцыйнай позвы не зьбіраюцца хадзіць на такія “размовы”.

   Нагадаем, што Віктар Падчыненкаў у апошняй выбарчай камапніі балатаваўся кандыдатам у дэпутаты палаты прадстаўнікоў па Гродзенскай сельскай акрузе, а Уладзімір Ларын быў старшынём ягонай ініцыятыўнай групы і даверанай асобай. Абодва неаднаразова за апошнія гады перасьледаваліся супрацоўнікамі міліцыі і іншых сілавых структур.