Сустаршыня аргкамітэту БХД Віталь Рымашэўскі “затрымаў” вылет самалёта на 20 хвілінаў
https://spring96.org/be/news/25670
2008
2008-10-02T10:33:50+0300
2008-10-02T10:33:50+0300
1970-01-01T03:00:00+0300
be
30 верасьня сустаршыня аргкамітэту партыі БХД Віталь Рымашэўскі быў затрыманы у мінскім аэрапорце падчас спробы выляцець на міжнародную канферэнцыю ў Берлін.
Як паведаміў Рацыі сам Рымашэўскі, затрыманьне адбылося ужо пасля праверкі білетаў і здачы рэчаў у багаж.
- Ужо фактычна на ўвахозе ў самалёт да мяне падбеглі супрацоўнікі памежнай службы, зьнялі мяне з пасадкі і адвялі ў адмысловы пакой для асабістага дагляду і дагляду рэчаў.
Адразу пасля гэтага памежнікі загадалі Рымашэўскаму выключыць мабільны тэлефон. Віталя Рымашэўскага дадаткова праверылі, абшукалі і дазволілі сесьці на борт самалёта. Вылет самалёта затрымаўся на 20 хвілін.
