Віцебшчына: Ці сыйшоў у адпачынак губернатар на перыяд агітацыйнай кампаніі?
Артыкул 77 ВК патрабуе: кандыдаты ў дэпутаты Палаты прадстаўнікоў павінны вызваляцца ад выканання вытворчых або службовых абавязкаў са дня рэгістрацыі да дня выбараў без захавання заработнай платы.
Аднак Уладзімір Андрэйчанка, кандыдат у дэпутаты па Глыбоцкай выбарчай акрузе №22, дадзеную норму Выбарчага кодэкса, відаць па ўсім, ігнаруе.
У абласных газетах не было інфармацыі, што старшыня Віцебскага абласнога выканаўчага камітэта ў адпачынку ў сувязі з правядзеннем перадвыбарчай агітацыі. Больш таго, падпарадкаваныя яму газеты працягваюць публікаваць партрэты і інтэрв'ю з "губернатарам".
Чарговае вялізнае (на цэлую старонку) інтэрв'ю з Уладзімірам Андрэйчанкам (як са старшынёй выканкама, які знаходзіцца пры выкананні службовых абавязкаў) апублікавана ў абласных газетах "Віцебскі рабочы" і"Народнае слова" 18 верасня 2008 года (№№ 108).
"Праваабаронцы за свабодныя выбары"
