Полацк: Кожнаму пад’езду – праграму праўладнага кандыдата.

Работнікам Полацкага ЖКГ загадана ў двухдзённы тэрмін расклеіць па пад’ездах дамоў і дошках аб’яў агітацыйныя матэрыялы праўладнага кандыдата па Полацкай гарадской выбарчай акрузе №28 Пятра Южыка.

Займацца гэтай пачэснай і неаплачваемай дадаткова справай яны будуць у працоўны час незалежна ад уласных палітычных поглядаў і меркаванняў. На іх жа ўскладаецца абавязак сачыць за тым, каб агітацыйныя плакаты (фармат А 3) працягвалі вісець увесь перадвыбарчы перыяд, і пры пашкоджанні замяняць падраны плакат на новы.

"Праваабаронцы за свабодныя выбары"