Аляксандр Макаеў асуджаны на 15 сутак арышту. У знак пратэста ён аб'явіў галадоўку

Суд над лідэрам прадпрымальніцкага руху Аляксандрам Макаевым адбыўся сёньня ў Маскоўскім судзе Менску. Яму далі 15 сутак за тое, што ён нібыта нецэнзурна лаяўся. Ён пасьпеў перадаць жонцы Крысьціне, што на знак пратэсту аб'яўляе галадоўку.

Раніцай Аляксандра Макаева на размову наконт ўмоваў ўтрыманьня асуджаных на Акрэсьціна выклікаў да сябе намесьнік кіраўніка менскай міліцыі Аляксандар Найдзенка. Спадар Макаеў паведаміў, што пасьля кароткай размовы яго гвалтоўна адвезьлі ў міліцыю Маскоўскага раёну, дзе склалі пратакол па арт. 17.1 КаАП - дробнае хуліганства. Адтуль яго адразу даставілі ў суд.