Аказаўся сарваны запланаваны на 14 траўня рок-канцэрт салідарнасьці з Беларускім ліцэем. Дырэктар клубу “Рэактар” Аляксей Кучко за тры дні да акцыі паведаміў, што канцэрт з праграмы здымае, не падаўшы ніякіх тлумачэньняў.

На канцэрце мусілі выступіць вядомыя беларускія рок-каманды, музыкі, журналісты і ліцэісты з прэзэнтацыяй уласнага музычнага дыску пад назовам “Я люблю ліцэй: Веру ў Цябе”. Ліцэісты даслалі запрашэньні амбасадарам, вядомым пісьменьнікам, навукоўцам – усім, хто дапамагаў і дапамагае ліцэю.
Прэс-служба Ліцэйскага вучнёўскага самакіраваньня