"Супраць каго, хлопцы, супраць народа свайго?" Жлабінчанку асудзілі да "хатняй хіміі" за ўдзел у акцыі пратэсту

2022 2022-06-23T10:58:23+0300 2022-06-23T11:42:36+0300 be https://spring96.org/files/images/sources/zhlobin-2020-08-09-3.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Падзеі ў Жлобіне 9 жніўня 2020 года.

Падзеі ў Жлобіне 9 жніўня 2020 года.

Суд Жлобінскага раёна 9 чэрвеня вынес прысуд мясцовай жыхарцы Алене Жук, якую абвінавацілі ў арганізацыі і падрыхтоўцы дзеянняў, якія груба парушылі грамадскі парадак (ч. 1 арт. 342 Крымінальнага кодэкса).

Справу разглядала суддзя Наталля Качалава.

Па матэрыялах абвінавачання, Алена Жук, якая працавала барменам, у вячэрні час 10 жніўня 2020 года, сумесна з іншымі асобамі, "прыняла актыўны ўдзел у групавых дзеяннях, якія груба парушаюць грамадскі парадак і спалучаных з відавочным непадпарадкаваннем законным патрабаванням прадстаўнікоў улады, спалучаных з наўмысным перашкодай руху транспарту і нармальнаму функцыянаванню прадпрыемстваў і арганізацый. Загадзя ўсведамляючы супрацьпраўнасць сваіх дзеянняў і аказваючы відавочнае непадпарадкаванне законным патрабаванням прадстаўнікоў улады – супрацоўнікаў АУС, якія знаходзіліся ў форменным абмундзіраванні супрацоўніка АУС пры выкананні сваіх службовых паўнамоцтваў, аб спыненні несанкцыянаванага масавага мерапрыемства … у складзе натоўпу людзей выйшла на праезную частку аўтамабільнай дарогі".

Удзельнікі масавага мерапрыемства перашкаджалі рух грамадскага і іншага транспарту, гучна крычалі, свісталі, выкрыквалі розныя Актыўны ўдзел у беспарадках Алены Жук прывёў да парушэння нармальнай працы транспарту, у змене маршрутаў руху рэйсавых аўтобусаў №№ 2, 7, 10, 23.

У судзе выступілі некалькі сведкаў, якія прадстаўлялі філіял аўтапарка, прадпрыемствы гандлю і кіроўцу гарадскога аўтобуса.

Абвінавачаная Жук у судовым пасяджэнні віну сваю прызнала цалкам і паказала, што 9 жніўня 2020 года ў яе быў дзень нараджэння, на працягу дня выпілі ўтрох бутэльку віна, а вечарам пайшла праводзіць сябровак. Убачыла натоўп людзей, якія стаялі на тратуарах. Яна сустрэла знаёмых і з цікаўнасці вырашыла застацца, а сяброўкі сышлі. У здзейсненым раскайваецца.

У судзе было прадэманстравана відэа, дзе бачна, што  натоўп не рухаецца ў якую-небудзь бок, чуваць фразы "Сыходзь!", плясканне у далоні. У натоўпе чутныя фразы: "Міліцыя з народам!", "Супраць каго, хлопцы, супраць народа свайго?".

Суд пастанавіў прызнаць Алену Жук прызнаць вінаватай  і паводле ч. 1 арт. 342 Крымінальнага кодэкса прызначыць пакаранне ў выглядзе абмежавання волі без накіравання ў выпраўленчую ўстанову адкрытага тыпу на тэрмін два гады.

Апошнія навіны

Партнёрства

Сяброўства