Па тры гады калоніі запрасіў пракурор для ўдзельнікаў акцыі пратэсту ў Жлобіне
У судзе над Шмігельскім, Патрушавым і Шаўчуком.
У судзе Жлобінскага раёна 19 сакавіка працягваўся разгляд крымінальнай справы ў дачыненні да мясцовых жыхароў – Віктара Шмігельскага, Іллі Патрушава і Андрэя Шаўчука.
Ім прад’яўленыя абвінавачванні па артыкуле 342 КК (Арганізацыя або актыўны ўдзел у групавых дзеяннях, якія груба парушаюць грамадскі парадак) і артыкуле 364 КК (Гвалт альбо пагроза прымянення гвалту ў дачыненні да супрацоўніка органаў унутраных спраў).
Справу разглядае суддзя Мікалай Сяргеевіч, пракурор - Аношка
10 жніўня вечарам ў Жлобіне маладыя людзі сталі ў счэпку і разам з іншымі нанеслі удары па шчытах супрацоўнікаў міліцыі, а таксама кінулі камяні ў іх бок.
На судзе высветлілася, што прызнальныя паказанні яны давалі пад ціскам і запалохваннем. Андрэя ШаўчукаЮ напрыклад, збівалі, прымушаючы даць на відэа неабходныя паказанні.
"Білі нагамі ў міліцэйскія шчыты". У Жлобіне судзяць яшчэ траіх удзельнікаў акцый пратэсту
19 сакавіка пракурор Аношка заявіў, што віна ўсіх трох цалкам даказаная ў судзе і падцверджаная паказаннямі сведкаў і іншымі доказамі.
Таму прапанаваў кожнаму з трох наступнае пакаранне:
па частцы 1 арт. 342 - адзін год пазбаўлення волі і па артыкуле 364 – тры гады пазбаўлення волі. Шляхам частковага накладання пакаранняў кожнаму па 3 гады пазбаўлення волі ў калоніі агульнага рэжыму.
Прысуд будзе абвешчаны ў панядзелак, 22 сакавіка. Пачатак пасяджэння ў 14-30.
