"Пацярпелыя выконвалі свой дзяржаўны доўг па зафарбоўванню незарэгістраванай сімволікі". Прысуд Васілю Пільцу Дапоўнена

У судзе Кастрычніцкага раёна Гародні 12 лютага прайягваецца разгляд крымінальнай справы мясцовага жыхара Васіля Пільца. Ён абвінавачваецца па частцы 1 артыкула 339 Крымінальнага кодэксу (Хуліганства). Нібыта 14 снежня мінулага года штурхануў агрэсіўных прыхільнікаў Аляксандра Лукашэнкі і актывістаў руху "Антывандал".

Справу разглядае Дзмітрый Кедаль. Дзяржаўны абвінаваўца – памочнік пракурора Алена Пронька.

Маніторынг судовага пасяджэння ажыццяўляе праваабаронца Раман Юргель.

Пацярпелыя па справе Вольга Бондарава і Аляксандр Галахаў, актывісты незарэгістраванага, але падтрымліваемага уладай руху “Антывандал”.

Па матэрыялах следства, 14 снежня  Васіль Пілец аказаў гвалт у дачыненні да Галахава і Вольгі Бондаравай, якія зафарбоўвалі на ходніках выявы б-ч-б сцягоў, штурхнуў іх, хапаў іх за вопратку, штурхаў, сарваў маску, тым самым прычыніў пацярпелым фізічны боль.

Дзяржабвінаваўца на сённяшнім пасяджэнні агучыў матэрыялы справы.

Затым адвакат запытаўся ў пацярпелай Вольгі Бондаравай, ці  прыцягвалася яна да адміністрацыйнай адказнасці?

- Так.

- А да крымінальнай, за кантрабанду цыгарэт у Польшу?

- Таксама так.

Адвакат пытаецца зноў:

- У заключэнні судмедэкспертызы не зафіксавана нанясенне вам цялесных пашкоджанняў?

Бондарава адказвае:  Не. Прычыненая боль з'яўляецца цялесным пашкоджаннем."

Адвакат таксама нагадвае, што абвінавачваны быў  узяты пад варту з запаленнем лёгкіх са станоўчым тэстам на COVID.

Перад пачаткам суда над Васілём Пільцом.

Тым часам пракурор скончыла зачытваць матэрыялы справы. Суддзя абвясціў аб праглядзе відэа файлаў з відэакамер дамоў з матэрыялаў справы. якія маюцца ў матэрыялах справы. Ідзе прагляд відэа суддзёй, пракурорам, абвінавачаным, адвакатам, пацярпелымі Бондаравай і Галахавым.

Адвакат, робіць заўвагу, што на відэа выкарыстаная нарэзка з выкарыстаннем нейкай праграмы, а пратакол агляду прадметаў не адпавядае. Адвакат хадайнічае аб відэапраглядзе з мабільнага Бондаравай. Абвінавачаны падтрымаў, пракурор не пярэчыць.

Усе ўдзельнікі працэсу праглядаюць відэа з мабільнага Бондаравай.

Абвінавачаны кажа, што адзін фрагмент на відэа адсутнічае. Звяртаў увагу следчага на гэты момант, але мяняўся следчы і следчая група.

Бондарава заяўляе хадайніцтва аб раскадроўцы кожнага руху на відэазапісу з мабільнага, хоча прадэманстраваць. Адвакат супраць і суддзя не задаволіў хадайніцтва.

Адвакат просіць далучыць да матэрыялаў справы матэрыялы аб узгадненні падобных акцый з РАУС і УУС Гродзенскага аблвыканкама. Прыйшоў адказ, што Вольга Бондарава не звярталася ў органы міліцыі з просьбай аб ахове іх дзеянняў і акцый.

Бондарава тлумачыць што адразу тэлефанавала ў Кастычніцкі РАУС ідэолагу Палякову аб правядзенні такіх зафарбоўванняў, апавяшчала міліцыянтаў вусна, па тэлефоне. Бондарава прапануе праслухаць аўдыёзапіс ўсіх размоў з Паляковым з Кастрычніка РАУС,якія яна рабіла.

Cуддзя абвясціў пра завяршэнне судовага следства. Пачаліся спрэчкі бакоў.

Пракурор кажа, што Пілец, выказваючы грэбаванне да грамадства, ужыў гвалт да Бондаравай і Галахава. Віну не прызнаў.

"14.12.20 ішоў каля 12 дня з сынам, сабакам да касцёла, сабака тузануў ланцужок, сын упаў на асфальт і вымазаў куртку. Пілец крычаў, навошта зафарбоўваць, быў агрэсіўна настроены. Калі Бондарава стала яго здымаць на тэлефон, Пілец патрабаваў спыніць здымку, сарваў маску з твару Галахава, той адскочыў, Пілец схапіў Бондараву і захапіў яе за шыю. Пільца не правакавалі, не выяўлялі агрэсію, а ён кінуўся на іх, абражаў. Беспадстаўна ужыў гвалт і перакуліў банку з фарбай. Паказанні пацярпелых канкрэтызаваны, паслядоўныя. Пацярпелыя выконвалі свой дзяржаўны доўг па зафарбоўванню незарэгістраванай сімволікі."

Васіль Пілец пасля абвяшчэння прысуду.

Пракурор лічыць даказанай віну Пільца, просіць суд прызнаць яго вінаватым па ч. 1 арт 339 КК РБ і пакараць абмежаваннем волі на 2 гады з накіраваннем ва ўстанову адкрытага тыпу.

Пілец ад апошняга слова адмовіўся.

Адвакат прасіў прызнаць абвінавачанага невінаватым.

Суддзя выносіць прысуд:  адзін год абмежавання волі без накіравання ва ўстанову адкрытага тыпу. Пільца вызваліць з-пад варты, адмяніць арышт на маёмасць.