Праваабарончы цэнтр «ВЯСНА»

Навіны за Лістапад 2014

18.11.2014 Гомельскія праваабаронцы звярнуліся да спецдакладчыка ААН па пазасудовых пакараннях смерцю

Спецдакладчыка інфармуюць аб выкананні смяротнага прысуду ў дачыненні да гамяльчаніна Аляксандра Грунова, індывідуальная скарга якога знаходзіцца на разглядзе ў Камітэце па правах чалавека ААН.

18.11.2014 Пракуратура Гомеля вынесла пратэст па справе Андруся Цянюты

Такі паварот справы быў нечаканы для Андруся Цянюты. Нагадаем, 1 кастрычніка суд Цэнтральнага раёна Гомеля вынес рашэнне па справе сустаршыні «МФ», які падаў скаргу на адлічэнне з ГДУ ім.Ф.Скарыны. Суд адмовіў яму ў задавальненні скаргі.

18.11.2014 Прызначана дата касацыі па справе Юрыя Рубцова

Разгляд касацыйнай скаргі апазіцыйнага актывіста з Гомеля Юрыя Рубцова, асуджанага да паўтары гадоў "хіміі" паводле крымінальнага артыкула “Абраза суддзі або народнага засядацеля”, адбудзецца ў Мінскім гарадскім судзе 21 лістапада. Пачатак – а 10-й гадзіне.

18.11.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня”: каментары і ацэнкі праваабаронцаў адносна рашэння КПЧ ААН па справе кіраўніка ПЦ “Вясна” Алеся Бяляцкага. “Асоба. Дзяржава. Грамадства”: адзін з лідараў “Студэнцкай Рады” Алесь Крот - пра высновы Маніторынгу парушэнняў акадэмічных свабодаў студэнтаў.

18.11.2014 Камітэт па правах чалавека ААН прыняў новы каментр адносна права на свабоду і асабістую недатыкальнасць

Пад час правядзення сваёй 112 сесіі Камітэт па правах чалавека ААН прыняў новыя Заўвагі агульнага парадку № 35, датычныя арт. 9 Міжнароднага пакта аб грамадзянскіх і палітычных правах: права на свабоду і асабістую недатыкальнасць.

18.11.2014 Андрэю Тычыне прад’яўлена абвінавачанне ў распаўсюдзе парнаграфіі

Салігорская міліцыя прад’явіла афіцыйнае абвінавачанне ў распаўсюдзе парнаграфічных матэрыялаў мясцоваму маладафронтаўцу Андрэю Тычыне. Адным з эпізодаў справы стаў выяўлены на старонцы маладога чалавека ў сацыяльнай сетцы кліп вядомага беларускага гурта “Разбітае Сэрца Пацана” на песню “Wall-E”.

17.11.2014 У Менску абмеркавалі пасьпяховыя рэгіянальныя грамадзкія практыкі 2014 году

14 лістапада ў Менску адбыўся круглы стол “Пасьпяховыя рэгіянальныя грамадзкія практыкі 2014 году: абмен досьведам і шляхі імплемэнтацыі”, зладжаны Асамблеяй НДА Беларусі з мэтай абмену рэкамэндацыямі паміж актывістамі беларускіх НДА.

17.11.2014 Алеся Меха хочуць прыцягнуць да адказнасці як “удзельніка паўстання ў Свіслачы”

Менавіта так Алесю Меху сказаў па тэлефоне ўчастковы Кобрынскага РАУС лейтэнант міліцыі Анатоль Тарасюк, які запрасіў актывіста 17 лістапада ў РАУС. Было б смешна, каб не так сумна, кажа Алесь Мех . Ён добра зразумеў сэнс гэтай бязглуздзіцы. Яго хочуць прыцягнуць да адказнасці за ўдзел у шанаванні ўдзельнікаў паўстання Кастуся Каліноўскага.

17.11.2014 Беленькі: «Амаральна браць грошы за шэсьце ў Курапаты, як, прыкладам, за шэсьце ў Хатынь»

Юрась Беленькі зьбіраецца абскардзіць пастанову суду пра штраф. Ён сказаў, што ня ведае сумы, якой патрабуе ад КХП-БНФ менская міліцыя за паслугі па ахове шэсьця на «Дзяды», бо рахунак партыі ніхто не выстаўляў.

17.11.2014 За журналіста Алеся Буракова ўзялася падаткавая інспекцыя

Падаткавікі Ленінскага раёна Магілёва прапануюць незалежнаму журналісту прыйсці ў інспекцыю 20 лістапада 2014 года да намесніка начальніка аддзела спадарыні Каральковай. Алесь Буракоў адзначае, што гэта ўжо трэцяя падобная позва з падаткавай інспекцыі за апошнія некалькі месяцаў.

17.11.2014 Міліцыянты вярнулі «Дзецюкам» відэаматэрыялы і рэквізіт

Рэжысёр Антось Цялежнікаў, які здымаў для гурта «Дзецюкі» відэакліп, паведаміў, што міліцыянты вярнулі відэаматэрыялы і частку рэквізіту, які раней сканфіскавалі.

17.11.2014 Магілёўцу выдалі несапраўдную кнігу скаргаў і прапаноў

У сувязі з адбыўшымся інцыдэнтам і несапраўднай кнігай скаргаў і прапаноў у дзяржаўнай арганізацыі “Магілёўскага мантажнага ўпраўлення ”Прамвентыляцыя”” ужо былы рабочы арганізацыі падаў скаргу ў адміністрацыю Ленінскага раёна Магілёва.

17.11.2014 Магілёўскі актывіст паскардзіўся ў пракуратуру з нагоды вэб-знявагаў

Пра Антона Касцова размесцілі зневажальную інфармацыю на сайце voskresinfo.com. Журналісты Алесь Буракоў, і намеснік старшыні Беларускай сацыял-дэмакратычнай партыі (Грамады) Ігара Барысаў таксама накіравалі скаргі ў міліцыю і пракуратуру з нагоды паклёпа на іх на гэтым жа сайце.

17.11.2014 Суд аштрафаваў Юрася Беленькага за акцыю Дзяды

17 лістапада суд Першамайскага раёна Мінска разгледзеў справу намесніка старшыні КХП БНФ Юрася Беленькага і аштрафаваў яго нібыта за парушэнне закона аб масавых мерапрыемствах на 20 базавых велічыняў, што складае тры мільёны рублёў.

17.11.2014 Камітэт па правах чалавека ААН прызнаў парушэнне Беларусcю правоў Алеся Бяляцкага

Гэтае рашэнне КПЧ ААН мае прэцэдэнтны характар і з'яўляецца важным пасланнем усім рэжымам, якія маніпулююць заканадаўствам для таго, каб заглушыць пратэстныя галасы, парушаючы тым самым свабоду асацыяцый.