Праваабарончы цэнтр «ВЯСНА»

Навіны за Жнівень 2014

19.08.2014 Міхаіл Мяхедка: “Псіхушкі я не баюся, але не жадаў бы туды трапляць ізноў, там я ніхто і нішто”

Жыхар Мінска Міхаіл Мяхедка 6 жніўня паспрабаваў перадаць свой зварот у Адміністрацыю прэзідэнта, за што быў адпраўлены ў Рэспубліканскі цэнтр псіхічнага здароўя ў Навінках. Вярнуўшыся, ён распавёў праваабаронцам падрабязнасці свайго затрымання і шпіталізацыі ў псіхіятрычную бальніцу.

19.08.2014 Як міліцыя ў Дуброўна хавае канцы ў ваду (фота дакументаў)

Віктар Бугаёў, былы зняволены з горада Дуброўна Віцебскай вобласці, спрабуе адшукаць у сваёй крымінальнай справе канцы, якія мясцовыя праваахоўнікі паспрабавалі схаваць так, каб не ўсплыла праўда.

19.08.2014 У Магілёве адносна незалежных журналістаў Алеся Буракова і Міхася Аршынскага распачаты адміністрацыйныя разбіральніцтвы

Іх абвінавачваюць у супрацоўніцтве з замежнымі СМІ, якія не маюць акрэдытацыі на тэрыторыі Беларусі. Са слоў маёра Марозава, справу яму спусцілі з КДБ, і ён павінен у ёй разабрацца і адрэагаваць на верагоднае правапарушэнне.

19.08.2014 Як віцебскі гарвыканкам арганізаваў сход жыхароў

Прыхільнікі стварэння партыі БХД напісалі скаргу ў Міністэрства аховы здароўя наконт "фармальнага і недабрасумленнага выканання віцебскімі ўладамі даручэння Міністэрства аб правядзенні сустрэчы з зацікаўленымі бакамі па пытанні будаўніцтва паліклінічнага комплекса ў мікрараёне Білева, якая мелася адбыцца 30.07.2014г."

19.08.2014 FIDH распавяла пра забытыя ахвяры Украіны

Міжнародная федэрацыя за правы чалавека (FIDH) прадставіла справаздачу па выніках місіі ва Украіне, арганізаванай у супрацы з партнёрскай арганізацыяй - Цэнтрам грамадзянскіх свабодащ (Кіеў). У справаздачу таксама ўвайшла інфармацыя ад мясцовых НДА, іншых незалежных крыніц, у тым ліку Упраўлення Вярхоўнага камісара па правах чалавека ААН.

19.08.2014 Берлінскія студэнты: Маладыя беларусы мусяць змагацца за свае правы і не губляць надзею (фота)

Студэнты Свабоднага ўніверсітэта Берліна ў рамках усходнееўрапейскіх даследаванняў абралі для сябе Беларусь - па іх прызнанні, рэдкі кірунак. Паўплывала на іх выбар тое, што дагэтуль беларуская дзяржава карае людзей смерцю, грэбуючы правам на жыццё.

19.08.2014 Андрэй Стрыжак дапоўніў скаргу ў Камітэт ААН па правах чалавека новымі фактамі

Каардынатар моладзевай сеткі незалежнага прафсаюзу работнікаў радыёэлектроннай прамысловасці (РЭП) Андрэй Стрыжак паскардзіўся ў Камітэт ААН па правах чалавека на забарону чыноўнікамі Рэчыцы ў правядзенні мірнага сходу 8 верасня 2013 году .

19.08.2014 Палітзняволены Яўген Васьковіч можа быць пераведзены ў калонію

Палітзняволены Яўген Васьковіч, які адбывае пакаранне ў турме №4 Магілёва, можа быць зноў пераведзены ў калонію, – не выключае актывіст Беларускай хрысціянскай дэмакратыі Павел Пракаповіч

19.08.2014 Праваабарончая праграма “Людзьмі звацца!” на Беларускім Радыё Рацыя

“Падзея тыдня” – гісторыя мінчука-праўдашукальніка Міхаіла Мяхедкі, які праз зварот у прэзідэнцкую адміністрацыю трапіў у псіхбальніцу ў Навінках. “Асоба. Дзяржава. Грамадства”: госць - актывіст "Альтэрнатывы" Ілля Дабратвор, які выйшаў на свабоду пасля 14-суткавага арышту.

18.08.2014 Кіруючыя прынцыпы БДІПЧ АБСЕ па праваабаронцах: Час для рэальнага ажыццяўлення ва ўсім рэгіёне АБСЕ і па-за яго межамі

Патрабаванні АБСЕ - найлепшы адказ на памылковыя аргументы шэрагу краінаў Усходняй Еўропы і Цэнтральнай Азіі са спасылкай на “замежнае ўмяшанне ва ўнутраныя справы” ў адносінах да абароны праваабаронцаў, - заявіла Абсерваторыя па абароне праваабаронцаў.

18.08.2014 Дунья Міятавіч заклікала ўлады Крыма спыніць запалохванне журналістаў

Прадстаўнік АБСЕ па свабодзе СМІ 18 жніўня выказала занепакоенасць з нагоды забароны на ўезд у Крым турэцкаму журналісту.

18.08.2014 Пададзена заяўка на святкаванне 500-х угодкаў Бітвы пад Оршай

Сябры Аргкамітэту па арганізацыі святкаваньняў звярнуліся ў Аршанскі райвыканкам з заяўкай на ўрачыстая імпрэзы, запланаваныя на 6 верасня на Крапівенскім полі. "Просім Аршанскі раённы выканаўчы камітэт забяспечыць грамадскі парадак на свяце і гарантаваць выкананне святочнай праграмы," – гаворыцца ў дасланай мясцовым уладам заяўцы.

18.08.2014 Магілёўскаму мільянеру не падабаецца бюлетэнь пра праблемы прадпрыемства

Уласніку холдынгу “Група кампаній “Протас”” Мікалаю Сыса не падабаецца тое, што зваршчык на яго прадпрыемстве Валадар Цурпанаў займаецца самастойным выданнем бюлетэня “Валадарынка”, у якім ён распавядае пра тое, што адбываецца на прадпрыемстве.

18.08.2014 Падтрымайце праваабаронцу Інтыгама Аліева!

Міжнародны эксперт у галіне правоў чалавека і кіраўнік Таварыства прававой асветы, які знаходзіцца пад арыштам у Азербайджане, з'яўляецца намінантам конкурсу "Герой Каўказа-2013". Аддаць свой голас за яго можна да 20 жніўня!

18.08.2014 Дамініканскія муры - апошні прыстанак перад карай (з гісторыі смяротнага пакарання)

Смяротнае пакаранне набывае масавы характар пры здушэннях паўстанняў і рэвалюцый. Так было і падчас здушэння паўстання пад кіраўніцтвам Кастуся Каліноўскага, калі паводле прысудаў трыбуналаў было пакарана смерцю 128 паўстанцаў, а генерал-губернатара Паўночна-Заходняга краю з “надзвычайнымі паўнамоцтвамі” Міхаіла Мураўёва назвалі “вешальнікам”.