Праваабарончы цэнтр «ВЯСНА»

Навіны за Студзень 2014

20.01.2014 Брэсцкім Хрысціянскім Дэмакратам канчаткова адмовілі ў рэгістрацыі

Асветніцкаму грамадскаму аб'яднанню "Брэсцкія Хрысціянскія Дэмакраты" канчаткоова адмовілі ў рэгістрацыі. Аб гэтым гаворыцца ў адказе начальніка галоўнага ўпраўлення юстыцыі Берасцейскага аблвыканкама Каліноўскага старшыне АГА "БХД" Змітру Шурхаю.

20.01.2014 Суддзя разглядае скаргі на свае рашэнні. Вынік -- прадказальны

Магілёвец Васіль Ліпскі скардзіцца на першага намесніка старшыні Вярхоўнага суда. Адпаведную скаргу актывіст накіраваў старшыні Вярхоўнага суда Валянціну Сукала. Аказалася, што суддзя Федарцоў разгледзеў дзве скаргі на самога ж сябе і праігнараваў просьбу магілёўца "не разглядаць самому наглядную скаргу на сябе".

19.01.2014 Віктар Статкевіч: чацвёрты Дзень нараджэння без сына

Баранавіцкія праваабаронцы і грамадскія актывісты 19 студзеня наведалі Статкевіча Віктара Паўлавіча – бацьку экс-кандыдата ў прэзідэнты, палітвязня Міколы Статкевіча, каб павіншаваць яго з 87-мі годдзем з дня народзінаў.

19.01.2014 У Палаце прадстаўнікоў лічаць, што старшыня Гродненскага аблвыканкаму спраўляецца з дэпутацтвам

У заявах на імя старшыні Палаты прадстаўнікоў Уладзіміра Андрэйчанкі і старшыні ЦВК Лідзіі Ярмошынай былы кандыдат у дэпутаты прапаноўваў у сувязі з адсутнасцю дэпутата Краўцава У. В. у выбарчай акрузе №83 прапанаваць яму скласці свае дэпутацкія паўнамоцтвы.

19.01.2014 Баранавічы: 35 ініцыятыўных груп на 36 акругаў

У малой зале гарвыканкама адбылося чарговае пасяджэнне Баранавіцкай гарадской выбарчай камісіі. Зарэгістраваны 35 ініцыятыўных груп. Усяго на мясцовых выбарах 23 сакавіка павінна быць абрана 36 дэпутатаў Баранавіцкага гарадскога Савета дэпутатаў.

19.01.2014 Бяроза: на 27 акругах – толькі 2 ініцыятыўныя групы незалежных вылучэнцаў

З 16 зарэгістраваных у раённай тэрытарыяльнай выбарчай камісіі ініцыятыўных груп – адна група незалежнай прэтэндэнткі ў кандыдаты Таццяны Тарасевіч па Бярозаўскай свярдлоўскай акрузе № 5 і другая – Яўгена Пракурата – сябра Партыі БНФ па Белаазёрскай завадской акрузе № 16.

19.01.2014 Салігорск: Ніводны маладафронтавец не падаў дакументы на рэгістрацыю ініцыятыўнай групы

Салігорскім выбаркамам зарэгістравана 26 ініцыятыўных груп на 22 выбарчых акргугах, з якіх пакуль толькі 4 – альтэрнатыўных прэтэндэнтаў. Улічваючы той факт, што ўсяго ў Салігорскім раёне створана 40 выбарчых акруг, яшчэ 18 з іх на момант заканчэння рэгістрацыі ініцыятыўных груп наоўгул не маюць ніводнага вылучэнца..

17.01.2014 Рэчыца: зарэгістраваны 76 ініцыятыўных груп па збору подпісаў, 39 з іх – ад кампаніі «Народны рэферэндум»

76 патэнцыйных кандыдатаў – не канчатковая лічба, так як яшчэ адбудзецца вылучэнне ад працоўных калектываў і палітычных партый. Патэнцыйныя кандыдаты прэтэндуюць на 40 месцаў «народных выбраннікаў» у Рэчыцкім раённым Савеце дэпутатаў.

17.01.2014 На Брэстчыне большасць ініцыятыўных груп створаны для вылучэння на выбары ў гарадскія саветы дэпутатаў

Як паведаміў сябра абласной выбарчай камісіі, начальнік галоўнага ўпраўлення арганізацыйна -кадравай працы Брэсцкага аблвыканкама Аляксандр Каляда, больш за ўсё дакументаў ад ініцыятыўных груп грамадзян паступіла ў гарадах абласнога падпарадкавання - Брэсце, Баранавічах і Пінску (там на 108 акругаў пададзена 131 заява).

17.01.2014 У Шклоўскай выбарчай акрузе №57 зарэгістраваныя чатыры ініцыятыўныя групы

17 студзеня акруговая камісія Шклоўскай гарадской выбарчай акругі №57 зарэгістравала чатыры ініцыятыўныя групы па збору подпісаў за вылучэнне кандыдатаў у дэпутаты Магілёўскага абласнога Савета.

17.01.2014 Бялынічы: раённая камісія зарэгістравала яшчэ 22 ініцыятыўныя групы

Неабходна адзначыць, што ўжо адзначаны факты адміністрацыйнага ціску на незалежных прэтэндэнтаў у кандыдаты Бялыніцкага райсавета. Па неафіцыйнай інфармацыі, з двумя такімі прэтэндэнтамі па месцы іх працы пагутарылі непасрэдныя кіраўнікі, якія вельмі цікаіліся, навошта ім патрэбна “гэтае дэпутатства”.

17.01.2014 Віцебскі аблвыканкам зацікавіўся сябрамі БАЖ

Аддзел ідэалогіі праінфармаваў рэдакцыі мясцовых газет, хто з супрацоўнікаў з'яўляецца "бажаўцам", а хто толькі збіраецца ўступіць у "непажаданую" арганізацыю. Асобных журналістаў выклікалі ў аблвыканкам для тлумачэнняў наконт сяброўства ў ГА “Беларуская асацыяцыя журналістаў”.

17.01.2014 Астравец: раённы суд прадказальна ўзяў бок чыноўнікаў

16 студзеня ў Астравецкім раённым судзе быў працягнуты разгляд скаргі па скарзе грамадскага актывіста Мікалая Уласевіча на дзеянні Астравецкага райвыканкаму, які адмовіў яму праводзіць пікет 7 снежня мінулага года па тэме “Карупцыянераў да адказнасці!”.

17.01.2014 У Польшчы зноў вылучаюць Бяляцкага на Нобэля

Польскія дэпутаты вылучаюць зьняволенага праваабаронцу Алеся Бяляцкага на Нобэлеўскую прэмію міру 2014 года. Подпісы за вылучэньне супольна зьбіраюць дэпутаты ад дзьвюх парлямэнцкіх партый — «Права і справядлівасьць» і «Грамадзянская плятформа». Аб гэтым паведамляе «Gazeta Wyborcza».

17.01.2014 Анатолю Лябедзьку адмовілі ў рэгістрацыі ініцыятыўных груп

Лідару Аб'яднанай грамадзянскай партыі Анатолю Лябедзьку адмовілі ў рэгістрацыі ініцыятыўных груп па вылучэнні кандыдатам на мясцовыя выбары. Пра гэта палітык паведаміў у сваім фэйсбуку.