Праваабарончы цэнтр «ВЯСНА»

Навіны за 6 студзеня 2014

06.01.2014 Адзіны прадстаўнік ад апазіцыі ў акруговых камісіях Брэстчыны – з Бярозы

Сябра Партыі БНФ Ігар Меншыкаў праявіў настойлівасць, каб патрапіць у склад камісіі. Да гэтага яму было адмоўлена ва ўключэнні ў склад Бярозаўскай раённай тэрытарыяльнай выбарчай камісіі, і суд прызнаў гэта правамоцным.

06.01.2014 Кнігу Алеся Бяляцкага “Асьвечаныя Беларушчынай” забаранілі да ўвозу ў Беларусь

Згодна з высновамі першай экспертызы, кніга А. Бяляцкага “можа нанесці ўрон іміджу Рэспублікі Беларусь”. Якія высновы ўтрымліваюцца ў паўторным заключэнні – невядома. На працягу 10 дзён неабходна прыбыць у Ашмянскую мытню для афармлення працэдуры “рээкспарту з мэтай вывазу на тэрыторыю Літоўскай Рэспублікі” 40 асобнікаў выдання.

06.01.2014 Збор подпісаў за адмену аўтапошліны кантралявалі міліцыя і спецслужбы

Прыблізна 100 подпісаў за адмену аўтамабільнай пошліны і адстаўку ўрада сабралі за гадзіну ў цэнтры Мінска 5 студзеня лідар Аб'яднанай грамадзянскай партыі Анатоль Лябедзька і сустаршыня кампаніі "За справядлівыя выбары" Віктар Карняенка.

06.01.2014 Жонка Аўтуховіча: Мужа правакуюць на парушэньні

З палітвязьнем Мікалаем Аўтуховічам у гарадзенскай турме пабачылася ягоная жонка Алена. «Спатканьне доўжылася 2 гадзіны, гаварылі праз тэлефон, бачыліся праз шкло», — паведаміла яна карэспандэнту "Свабоды".

06.01.2014 Суд над Малчанавым перанесьлі на 10 студзеня

4 студзеня ў Барысаўскім раённым судзе адбылося першае паседжаньне па справе аб прэвэнтыўным наглядзе для былога палітвязьня Аляксандра Малчанава.

06.01.2014 Брэст: у акруговыя выбарчыя камісіі трапіў толькі адзін прадстаўнік апазіцыі

Паводле слоў начальніка галоўнага ўпраўлення арганізацыйна-кадравай работы Брэсцкага аблвыканкама Аляксандра Каляды (адначасова ён уваходзіць у склад абласной выбарчай камісіі), “прынцып фармавання акруговых выбаркамаў быў дэмакратычным".