Праваабарончы цэнтр «ВЯСНА»

Навіны за 8 студзеня 2014

08.01.2014 У Магілёве ў склад акруговых выбарчых камісій не патрапіў ні адзін дэмакрат

Вылучалі ў склад акруговы камісій сваіх прадстаўнікоў толькі актывісты Аб’яднанай грамадзянскай партыі. “Вылучалі ў акруговыя камісіі шэсць чалавек. Нікога не ўключылі. Аргументаваць чаго нашы актывісты не прайшлі ў камісіі ніхто не стаў. Проста не прайшлі і ўсё”.

08.01.2014 Дзейнасць адміністрацыйнай камісіі Клімавіцкага райвыканкама з’яўляецца сакрэтнай?

Выдаўцу незалежнага інфармацыйнага бюлютэня “Клімавіцкая інфа-панарама” Сяргею Аржанцаву 8 студзеня адмовілі ў праве прысутнічаць на пасяджэнні адміністрацыйнай камісіі Клімавіцкага райвыканкама.

08.01.2014 Брэст: улады адмовіліся рэгістраваць грамадскае аб’яданне з-за яго назвы

Галоўнае ўпраўленне юстыцыі Брэсцкага аблвыканкама накіравала свой адказ у справе рэгістрацыі асветніцкага грамадскага аб'яднання “Брэсцкія хрысціянскія дэмакраты”. Назва арганізацыі, з пункту гледжання юрыстаў аблвыканкама, не адпавядае вызначэнню грамадскага аб'яднання.

08.01.2014 Гомельская вобласць: апазіцыя не трапіла ні ў тэрытарыяльныя, ні ў акруговыя камісіі

У Гомельскай вобласці тэрытарыяльныя і акруговыя камісіі будуць абсалютна «стэрыльнымі» на будучых выбарах у мясцовыя Саветы дэпутатаў. АГП вылучала ў склад акруговых камісій 11 чалавек, «Справядлівы свет» - 39 чалавек. Але ніводзін не трапіў у камісіі.

08.01.2014 Эксперт: сістэма ізаляцыі непаўналетніх правапарушальнікаў патрабуе пільнай увагі

У рамках маніторынгу месцаў прымусовага ўтрымання грамадзянаў у Беларусі юрыст Павел Сапелка звяртае ўвагу на ўмовы ў спецыяльных вучэбна- і лячэбна-выхаваўчых установах і прыёмніках-размеркавальніках для непаўналетніх.

08.01.2014 Чыноўнікі не бачаць дыскрымінацыі беларускамоўных у законатворчым працэсе

Праваабаронца Валянцін Стэфановіч атрымаў адказы ад уладаў з нагоды зварота ў Канстытуцыйны суд аб дыскрымінацыі беларускамоўных грамадзянаў.

08.01.2014 Мікалай Статкевіч здолеў перадаць на волю свае віншаванні са святам

Словы Мікалая Статкевіча перадала яго жонка, Марына Адамовіч.

08.01.2014 Сітуацыя з правамі чалавека ў Беларусі. Снежань 2013 года

Адбывалася далейшая кансервацыя негатыўных тэндэнцый, якія фарміраваліся і замацоўваліся на працягу года: адсутнасць палітычнай волі беларускіх уладаў у вырашэнні праблемы палітычных зняволеных, моцныя абмежаванні свабоды выказвання меркаванняў, свабоды сходаў і іншых грамадзянска-палітычных правоў.

08.01.2014 51 год Аўтуховічу: «Калі ня ведаў няволі, ня ў поўнай ступені разумееш, што такое свабода»

7 студзеня палітвязьню Міколу Аўтуховічу споўніўся 51 год. Апошнія два гады ён сустракае свой дзень народзінаў у цокальнай камэры гарадзенскай «крытай» турмы.